طفلة تطالب عمرو سعد ومصطفى شعبان بـ"ملوك الجدعنة 2"..ومتصلة: بنعتبركو توأم

فى سينما وتلفزيون

الثلاثاء , 25 مايو 2021 - 02:05

واجه برنامج "الحكاية" على قناة MBC مصر خلال حلقة الليلة ضغطا كبيرا من اتصالات جمهور مسلسل "ملوك الجدعنة"، الراغبين في تقديم التحية لبطلي المسلسل عمرو سعد، ومصطفى شعبان، أثناء حوارهما مع الإعلامي عمرو أديب.

وقالت إحدى المتصلات: "مصر كلها تفتخر إن في نجمين نفتخر بيهم جدا في مصر، إحنا شفنا مسلسل مفهوش أي حاجة تخدش الحياء، ومصر كلها تفتخر بيه."

وردا على سؤال: "مين عجبك أكتر، سرية ولّا سفينة؟" قالت: "والله يا فندم الاتنين بصراحة أحسن من بعض، إحنا بنعتبرهم توأم."

كما استقبل البرنامج اتصالا من طفلة عمرها 10 سنوات قالت: "إزيك يا سرية وسفينة، إحنا بنحبكم قوي،" ليسألها مصطفى شعبان "تحبي تشوفي ملوك الجدعنة جزء تاني، ولّا تشوفينا إحنا الاتنين في موضوع تاني؟" لتجيب: "لأ أشوفكم في جزء تاني."

يذكر أن مسلسل "ملوك الجدعنة" سيناريو وحوار عبير سليمان وأمين جمال، إخراج أحمد خالد موسى، بطولة عمرو سعد، مصطفى شعبان، عمرو عبد الجليل، أحمد صفوت، ياسمين رئيس، رانيا يوسف، دلال عبد العزيز، مريم أمين، وليد فواز وبسمة داود.