حزب محمد سامي.. هؤلاء الفنانين دعموا مخرج "نسل الأغراب" في أزمته

مروة لبيب | فى حياة المشاهير

حملة دعم لمحمد سامي

الاثنين , 17 مايو 2021 - 20:05 | اخر تحديث: الاثنين , 17 مايو 2021 - 21:05

بهاشتاج "ادعم المخرج محمد سامي"، انطلقت حملة دعم للمخرج محمد سامي شارك فيها العديد من الفنانين بعد أزمته مع الشركة المتحدة وإيقاف التعامل معه.

جاءت هذه الحملة بعد أن أعلنت الشركة المتحدة للخدمات الإعلامية في بيان أنه قد تم اتخاذ قرار بوقف التعامل مع المخرج وكاتب السيناريو محمد سامي، وفي أعقاب القرار انتشرت تعليقات سلبية من قبل بعض الفنانين ومن قبل الجمهور أيضا تجاه الأزمة.

وتنوعت المشاركات من الفنانين ما بين إشادات بالعمل مع سامي وذكر مواقف إنسانية ورسائل دعم في أزمته، وفي مقدمتهم الفنان إدوارد الذي وجه رسالة دعم للمخرج محمد سامي.

ونشر إدوارد عبر حسابه على Twitter صورته مع سامي وكتب: "ادعم المخرج محمد سامي ضد حملة التشويه اللي يقوم بها بعض الزملاء وعلشان كده بقول شهاده حق في المخرج محمد سامي أنا اشتغلت معاه واتعاملت في الشغل معاه راجل بحب شغله جدا وبيتعب كتير واتعامل معايا بكل احترام وحب وبيحب الممثل جدا".

وأضاف "بيطلع أحسن ما عنده وعشان محدش يقول عشان أنا بشتغل معاه الناس كلها عارفه أني بشتغل معاه ومع غيره ومش مستني شغل من حد الحمد الله أنا تاريخي في السينما والدراما كبير وبشتغل مع ناس كتير دي شهادة حق بس ولازم أقولها".

أما الفنان أحمد زاهر فأشاد بالمخرج محمد سامي ودوره في حياته بعد المشاركة في عدة أعمال من إخراجه موجها رسالة دعم له بعد الأزمة.

وفي منشور عبر حسابه على Facebook، نشر أحمد زاهر صورة تجمعه بمحمد سامي وعلق عليها "أنا مش ضد قرار المتحده لان اكيد ده له اسباب و في سبيلها للحل باذن الله انا ضد حمله التشويه البشعه لسمعه و شخص محمد سامي اللي بيقوم بيها بعض الزملاء وبعض اللجان الاليكترونية انا ضد تشويه سمعه اي حد مش بس محمد سامي".

وأضاف زاهر "الراجل ده انا اعرفه من ١١ سنه و اشتغلت معاه اكتر من خمس اعمال مشوفتش منه غير كل خير و احترام و تقدير للموهبه و بقولها و هاقولها طول عمري محمد سامي هو اللي غير حياتي بعد اراده ربنا سبحانه و تعالي ولن انسي له هذا الفضل هو اللي خلاني اخس ١٠٠ كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه و اخرها #فتحي في #البرنس و دي كانت نقطه تحول تانيه في حياتي".

واختتم زاهر "تفتكروا اللي شفت منه كل الخير والاحترام والتقدير والموهبه و النجاح ده كله مكنش جنبه وادعمه انا مفيش في ايدي حاجه اعملها غير اني اقول شهاده حق يعلمها الله سبحانه و تعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت و من منا بلا خطيئه".

أما الفنانة منة فضالي فقد أشادت بأخلاقه وراء الكاميرا وبموهبته في الإخراج من خلال منشور لها عبر حسابها على Facebook، جاء فيه "اعرف محمد سامي من سنين وعمري ما اشتغلت معاه انا الشهاده لله لما اشتغلت مع استاذ محمد سامي السنه دي مشوفتش منه حاجه وحشه بلعكس كان محترم جدا معايا واستفدت من الشغل معاه مخرج شاطر جدا وله اعمال كتير ناجحه".

وأضافت فضالي "وانا مش بطبلو علشان محدش يقول بطبل علشان الشغل انا بقول حق ربنا".

ودعمت الفنانة نور المخرج محمد سامي بعد أزمته الأخيرة، ونشرت صورة لها بصحبة محمد سامي وعلقت قائلة "محمد سامي مخرج موهوب وشاطر و فنان و متميز، اشتغلت معاه اكتر من مرة وما شفتش منه غير كل احترام و اخوة و تقدير و غيرة على الشغل، و قبل كل ده ابن ناس طيبين و محترمين،"

وأضافت قائلة " محمد سامي مخرج كبير و اعماله بتشهد على كده و بتتكلم عنه، العمل الفني ملك للجمهور و الفن وجهات نظر و كل واحد بشوف العمل الفني زي ما هو عايز، ما ينفعش نشمت فبعض و نجرح فبعض خصوصا ان أحنا زملاء و عارفين مدى التعب و الكفاح اللي كل واحد مننا بيقدمه فمكان"

وأعلنت الفنانة هيدي كرم رفضها لحملة التشوية التي يتعرض لها المخرج محمد سامي وعبر صفحتها الرسمية على Facebook، كتبت "انا مش ضد او بهاجم قرار اعلام المصريين اللي اخدته ضد المخرج محمد سامي لان اكيد القرار ده فيه وراه اسباب و ان شاء الله كل حاجه تتحل و المياه ترجع لمجاريها".

وأضافت هيدي كرم "انا ضد حملة التشويه اللي حاصله على السيوشيال ميديا اللي بتستهدف تشويهه و زرع الكراهيه ضده محمد سامي مخرج موهوب بكل معاني الكلمه و محترم جداً و انا شخصياً كان ليا موقف شخصي معاه في مسلسل لؤلؤ دعمني فيه نفسياً و معنوياً و ادبياً جداً مع اني ما كنتش اعرفه كويس خالص لكنه وقف للحق وقفة راجل محترم".

وأشادت الفنانة هدير عبد الناصر بمواقف المخرج محمد سامي معها والفرص التي محنها إياها ودافعت بكل قوة عنه من خلال منشور لها عبر حسابها على Facebook، جاء فيه "المخرج اللي اداني فرصه كبيره وعرف الناس بيا ومستخسرش دور بمساحه واهميه دور ( مروه ) في مسلسل لؤلؤ في وجه جديد لسه محدش يعرفه لمجرد انه واثق في موهبتي وقالي انا قلت محدش هيعرف يعمل الدور ده غير هدير عبدالناصر الاستاذ اللي دايماً بيدعمني سواء قدامي او لا ويتكلم عني قدام نجوم كبار".

وأضافت "الانسان اللي لما شافني بعد عرض المسلسل والنجاح اللي حصل سألني سؤال بالنسبالي مهم جداً ومن غير مقدمات كده ومن غير ما يكون يعرفها او انا اتكلمت عنها قصاده ( مامتك فرحانه ) ؟؟ انا مشوفتش منك غير كل خير وربنا جعلك سبب في حاجه كبيره وحلوه جداً انها تحصلي".

ودافع الفنان محمد مهران عن المخرج محمد سامي، ونشر صورة تجمعه بمحمد سامي وعلق عليها قائلًا "لراجل ده مكناش صحاب شافني مره في المسرح في ٢٠١٥ و قالي اننا هنشتغل مع بعض و مشفتوش بعدها غير سنه ٢٠٢٠ لما اشتغلت معاه في مسلسل البرنس ومن بعدها بقينا نشتغل مع بعض مشوفتش منه حاجة وحشة خالص و مالوش معايا اي مصلحه شخصيه وكان داعم ليا و لموهبتي بشكل كبير و اي ممثل بيكون هدفه انه يشتغل مع مخرج شاطر و مأمن بيه و مظنش لما هتشوف c.v المخرج ده مش هتقدر تقول غير انه مخرج مهم و شاطر و بيطلع من الممثل افضل ماعنده"

وأضاف محمد مهران "ملاحظة لبعض الناس اللي بتتكلم عن الشلليه انا عمري في حياتي ماقابلت استاذ محمد سامي بره نطاق العمل .. معقدتش معاه في كافيه ماسهرتش معاه بتجمعني بيه علاقة ود واحترام و عمل و بس."

وكتب الفنان حمدي هيكل عبر حسابه على Facebook "بدون أي مزايدات أو مجاملات أنا الحمد لله لي أعمال كتير واشتغلت مع عدد كبير من المخرجين في أعمال كتير علي مدار السنوات السابقة إلي الوقت الحاضر".

وأضاف حمدي"لم أر من المخرج محمد سامي غير كل ود وتعامل باحترام معي ومش معني إني أسمع من أي حد أي حاجة هاصدقها لازم علشان أصدق أي حاجة تتقال أو تتعمل إني اشوفها بعيني واسمعها بوداني علشان أصدق علما بأني سمعت ما يردده البعض بس ماشوفتش بعيني الأرزاق بيد الله ونحن كلنا أسباب لبعض".

وكتب الفنان أحمد ماجد عبر Facebook، " كلمه حق اشتغلت مع الراجل ده الاسطوره ولد الغلابه والبرنس ونسل الاغراب عمري ماشوفت منه موقف وحش ولا غلط طول الوقت كلامه دعم وكلام يخلي الواحد يفكر في اللي جاي قدام ماشوفتش منه غير كل تقدير واحترام بعد كل مشهد وشغل بتعمله كويس ودايما بسمع انه بيقول في ضهري احسن واحلي الكلام فانا دلوقتي بقول في ضهره شهاده وكلمه الحق وربنا شاهد علي اللي بقوله".

ودعم الفنان فؤاد عبد المنعم المخرج محمد سامي في منشور عبر Facebook، جاء فيه "شكرا استاذ محمد سامى على كل حاجه من دعم وتقدير وثقه انا فى قمه سعادتى انى جزء فى عمل فنى حافل بكوكبه كبيره من ألمع النجوم والفنانين بجد اتعلمت كتير اوى فالتجربه دى ♥️♥️ تسلم ايديك حبيبى Mohamed Sami وبجد يا بخت الممثل اللى يحبه محمد سامى".

وأضاف "شهاده حق (سامى راجل بيحترم ويقدر اللى بيحترم شغله وبيخلصله وده سر نجاحه )

اقرأ ايضًا:

حكاية عادل إمام مع فيلم "الإرهابي" ... رفضته زوجته خوفا عليه وأصر على تقديمه رغم التهديدات

أول تعليق من أمير كرارة بعد أزمته مع مها أحمد

مايان السيد تظهر بـ"تي شيرت" "فلسطيني" في لقائها في "الستات مايعرفوش يكدبوا"

"مشوفتش منه غير كل احترام وخلاني أخس 100 كيلو".. أحمد زاهر ينضم لحملة دعم محمد سامي