"مشوفتش منه غير كل احترام وخلاني أخس 100 كيلو".. أحمد زاهر ينضم لحملة دعم محمد سامي

مروة لبيب | فى حياة المشاهير

أحمد زاهر ومحمد سامي

الاثنين , 17 مايو 2021 - 19:05 | اخر تحديث: الاثنين , 17 مايو 2021 - 19:05

انضم الفنان أحمد زاهر لحملة دعم المخرج محمد سامي بعد الهجوم الذي تعرض له من قبل بعض زملائه من الوسط الفني وعدد كبير من الجمهور عبر مواقع التواصل الاجتماعي في أعقاب قرار إيقافه.

وعبر حسابه على Facebook، نشر أحمد زاهر صورة تجمعه بمحمد سامي وعلق عليها "أنا مش ضد قرار المتحده لان اكيد ده له اسباب و في سبيلها للحل باذن الله انا ضد حمله التشويه البشعه لسمعه و شخص محمد سامي اللي بيقوم بيها بعض الزملاء وبعض اللجان الاليكترونية انا ضد تشويه سمعه اي حد مش بس محمد سامي".

نرشح لك: عادل إمام ... الغول الذي أحبه

وأضاف زاهر "الراجل ده انا اعرفه من ١١ سنه و اشتغلت معاه اكتر من خمس اعمال مشوفتش منه غير كل خير و احترام و تقدير للموهبه و بقولها و هاقولها طول عمري محمد سامي هو اللي غير حياتي بعد اراده ربنا سبحانه و تعالي ولن انسي له هذا الفضل هو اللي خلاني اخس ١٠٠ كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه و اخرها #فتحي في #البرنس و دي كانت نقطه تحول تانيه في حياتي".

واختتم زاهر "تفتكروا اللي شفت منه كل الخير والاحترام والتقدير والموهبه و النجاح ده كله مكنش جنبه وادعمه انا مفيش في ايدي حاجه اعملها غير اني اقول شهاده حق يعلمها الله سبحانه و تعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت و من منا بلا خطيئه".

وكانت الشركة المتحدة للخدمات الإعلامية أعلنت في بيان أنه قد تم اتخاذ قرار بوقف التعامل مع المخرج وكاتب السيناريو محمد سامي.

وفي أعقاب القرار انتشرت تعليقات سلبية من قبل بعض الفنانين ومن قبل الجمهور أيضا تجاه الأزمة.

اقرأ أيضا:

عادل إمام الموهبة التي تذهلني

"أحمد نوتردام" متمسك بالصدارة ... تعرف على إيرادات الأفلام بالسينمات

في عيد ميلاده- سر ارتداء عادل إمام لـ "الجينز" واللقب المفضل له

أحمد التهامي ينهي الأزمة بين مها أحمد وأمير كرارة