شقيق محمد رحيم لتامر حسني: رسالتك وضحكت لي موقف شيرين عبد الوهاب وربنا يجازيها كل خير

محمد سليم | فى موسيقى وحفلات

تامر حسني وشيرين عبد الوهاب ومحمد رحيم

الثلاثاء , 3 ديسمبر 2024 - 00:12 | اخر تحديث: الثلاثاء , 3 ديسمبر 2024 - 00:12

وجه طاهر رحيم، شقيق الفنان الراحل محمد رحيم، رسالة للفنان تامر حسني، عبر فيها عن شكره له بعد قيامه بالتدخل لتوضيح موقف الفنانة شيرين عبد الوهاب في حفلها الأخير بالكويت، الذي طلبت فيه من جمهورها قراءة الفاتحة للملحن الراحل.

وقال طاهر رحيم في منشور عبر حسابه في موقع التواصل الاجتماعي فيسبوك بوك: "الوحيد اللي حاسس و عارف حقيقة كل اللي عديت بيه نفسياً انا و كل اسرتنا هو اخويا و اخو رحيم التالت الصادق الجميل ( تامرحسنى)، الله يسترك يا تامر على قلبك اللي مشوفتش زيه في حياتي، متشكر يا راجل يا اصيل لوقفتك جانب كل العيله و اصلاحك لما افسدته الفتنه بينا كلنا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

طاهر رحيم شقيق محمد رحيم

وأضاف طاهر رحيم: "متشكر لتكريمك لاخويا بايدك لاخر حباية رمل في تربته، وفعلاً شيرين اختنا وانا زعلت عشان جالي الڤيديو في الاول جزء بتضحك فيه، بس لما انت بعتلي الڤيديو كامل وشرحتلي عرفت انها حقيقي زلة لسان، وانا متاكد من رأيك و ربنا يجازيها كل خير كفايه انها حاولت تكرمه وسط جمهورها".

رسالة طاهر رحيم لـ تامر حسني

واختتم طاهر رحيم منشوره قائلا: "لكل محبين اخويا انا بقرأ كل كلامكم الحلو والجارح اللي بيتقال ظلم ليا دون علم الدواخل و دون علم بنفسيتي ازاي انهارت واتصدمت بسبب فراق اخويا وانقسم ضهري وبقيت عايز اضم كل الناس و الفنانين في حضني عشان رد اعتبار اخويا في الدنيا بعد ما مات مقهور من تهميشه بقيت عايز اوصله و اقوله بص يا محمد بيحبوك ازاي بص مقدرينك ازاي و تاني انا اسف للجميع. شكراً يا تامر".

طالع أيضا - بدأ التمثيل في طفولته وتزوج من فنانة وانتشرت شائعة وفاته قبل سنوات وقبض عليه مرتين بالمخدرات … 16 معلومة عن هيثم محمد

تامر حسني

وكان تامر حسني دافع عن شيرين عبد الوهاب، بعد الانتقادات التي وجهت لها بسبب ارتباكها أثناء دعوة جمهور حفلها في الكويت لقراءة الفاتحة للملحن الراحل محمد رحيم، واستبدالها عبارة صدقة جارية بسيئة جارية.

شيرين عبد الوهاب في حفل الكويت

وقال تامر حسني في منشور عبر صفحته الرسمية في موقع التواصل الاجتماعي إنستجرام: "واثق إنها زلة لسان من شيرين لأن شيرين من أكتر الناس اللي بتحب محمد رحيم الله يرحمه ومن أكتر الناس اللي عارفه قيمته لإنها فنانه كبيره بالاضافه لانها اعتذرت على المسرح في وقتها و نيتها كانت تكريم وطلبت الفاتحه من الجمهور". (التفاصيل)

شيرين عبد الوهاب في حفل الكويت

وكانت شيرين عبد الوهاب طلبت خلال حفلها الأخير في الكويت من جمهورها قراءة الفاتحة للفنان الراحل محمد رحيم معقبة: "محمد رحيم اللي عامللي مشاعر، وصبري قليل والوتر الحساس وأنا في الغرام. يا رب تروح له إن شاء الله معلش. خلينا نعمل سيئة جارية".