عمر عبد العزيز لـ"في الفن": الأبطال دلوقتي عايزين مخرج من اختيارهم وده مش هيحصل نموت ولا نوصل لكده

فى سينما وتلفزيون

الاثنين , 22 مايو 2023 - 17:05 | اخر تحديث: الاثنين , 22 مايو 2023 - 17:05

كشف المخرج عمر عبد العزيز عن استعداده للعودة إلى الإخراج من جديد وأنه بالفعل لديه أفكار لكن لا يجد لها منتج.

وقال عمر عبد العزيز في حواره مع FilFan.com: "عندي كذا موضوع لكن ظروف الإنتاج مش متاحه، هما عايزين مخرج البطل يوافق عليه ودا لن يحدث في حياتنا نموت ولا نوصل لكده".

وعن فكرة وجود أزمة في السيناريو هذه الفترة قال عمر عبد العزيز: "ليه عندنا أزمة في كتابة السيناريو، عندنا كتاب سيناريو كتير لازم الشركات والممثلين يروحولهم أين بشير الديك هذا العبقري؟ أين كتاب السينما والتليفزيون العظماء، لازم يبحثوا فريد شوقي كان بيكلمني وأنا طالب يقولي في ولد عندكم في سنة تالتة كويس ابعتهولي، بشير الديك يقعد في البيت اللي عمل لنا "الهروب" و"سواق الأتوبيس" والحاجات العظيمة، المشكلة في النص الحقيقي محدش بيبحث عنه.

وعن رأيه في الأعمال الكوميدية الموجودة في الساحة الفنية الآن: النص والمخرج هما اللي بيصنعوا الكوميديا، وأتمنى نرجع للكوميديا الحقيقة.

وعبر عمر عبد العزيز عن سعادته بتكريمه في الدورة الـ49 من مهرجان جمعية الفيلم السنوي.