أحمد كشك: هاجر أحمد ساعدتني في مشهد الضرب من "بدون ضمان"

فى سينما وتلفزيون

الثلاثاء , 26 أكتوبر 2021 - 01:10

استضافت الإعلامية إنجي القاضي في برنامج "مساء dmc" أبطال حكاية "بدون ضمان" من مسلسل "إلا أنا"، وكشف اللقاء عن كواليس مشهد ضرب "علا"، الشخصية التي جسدتها الفنانة هاجر أحمد، وسبب ظهور الفنانة دنيا سامي بالحجاب، ونلخص في السطور التالية تصريحات أبطال العمل في هذا الجانب من الحوار:

(الفنان أحمد عصام)

- أنا من منطقة شعبية، وشفت نموذج شخصية "عصام" مرتين أوتلاتة

- أستاذة ياسمين المخرجة أصرت أظهر بسنان صفرا، وفي الأول خفت شوية

- المخرجة طلبت مني ومن هاجر أحمد نعمل مشهد الضرب حقيقي، وهاجر ساعدتني

- في النوعية دي من المشاهد لو المخرج مش مركز جدا مع الممثلين ممكن تطلع أوفر

- مفيش راجل يمد إيده على ست

(دنيا سامي عن دور "رحاب")

- حبيت "رحاب" لإنها قريبة مني، بحب البنات الجدعة

- مشهد العريس سبب قبولي الدور، والناس فهمت موضوع الحجاب غلط

- "رحاب" إتحجبت عشان تتجوز جوازة حلوة، مش تقليلا من المحجبات

- بحب الكوميديا في المسرح، وكان نفسي أرمي إفيهات في المشهد

(المؤلف يوسف وجيه)

- الأدوار كلها كانت متقنة جدا، ومكانش عندي تعليقات

- حاولت كل شخصية يكون عندها المشكلة الأساسية بتاعتها من غير ما تتكره