شرحت الفنانة أروى جودة طبيعة مرض رافقها من أيام المدرسة، لكنها اكتشفته فقط قبل سنتين.
وخلال لقائها مع الإعلامية شريهان أبو الحسن في برنامج "راجل و2 ستات" على قناة ON، قالت أروى جودة: "قبل الجامعة في المدرسة كان عندي (إي دي دي)، يعني يكون عندك قلة تركيز، مش بركز وعايزة أرسم وألون أكتر. عرفت من سنتين لما رحت لدكتور نفساني، قاللي كل التوتر اللي عندك بسبب الـ (إي دي دي)، لإنك بتحاولي تبذلي مجهود تركزي أو تحفظي، ودي عاملة ليكي توتر طول الوقت، وده اللي عمللي اكتئاب."
وأضافت شارحة تجاوز تأثير هذه الحالة عدم تذكر الإسكريبتات: "مش بس إسكريبتات، تسأليني سؤال فأنا عايزة أرد عليكي وعارفة الرد، بس عندي أفكار كتيرة عايزة أقولها، فمعرفش أرتبها فأتهته فأتكسف فأحرج فأبوظ الموضوع."