عايدة رياض: محمد خان قاللي تمثيلك أوفر في "أحلام هند وكاميليا"

فى سينما وتلفزيون

الأربعاء , 13 أكتوبر 2021 - 01:10

وصفت الفنانة عايدة رياض المخرج محمد خان بأنه كان أصعب ما واجهته في فيلم "أحلام هند وكاميليا"، الذي اشتركت في بطولته مع الفنان أحمد زكي، والفنانة نجلاء فتحي، بسبب دقته الشديدة.

وفي لقائها مع الإعلامية لميس الحديدي في برنامج "كلمة أخيرة" على قناة ON، قالت عايدة رياض: "كان في مشهد محضراه، وبعيط وهي بتسرحلي شعري، وعملته ومستنية إنه يسقف لي. قال إيه اللي إنتي عاملاه ده، ده أوفر قوي، أنا عايز أبسط من كده بكتير، قولي حكايتك بسرعة، وعيطتي أو معيطتيش مش مهم."

وأضافت: "بعد دقيقتين عاد المشهد وقلته عادي، ورحت أتفرج في افتتاح الفيلم، لقيت المشهد إيه البساطة والجمال ده، وطالع فيه كل حاجة."