مروة الأزلي: تعرضت للتحرش أثناء التصوير والمتحرش لمسني وجري

فى سينما وتلفزيون

الأحد , 5 سبتمبر 2021 - 19:09

روت الفنانة مروة الأزلي تفاصيل تعرضها للتحرش أثناء تصوير أحد الأعمال الفنية.

وخلال حوارها مع الإعلامية راغدة شلهوب في برنامج "نص الكلام" على قناة النهار، قالت مروة الأزلي: "أثناء التصوير حصل معايا، الفرق إن في الوقت ده أنا كنت خلاص قوية، عملت خناقة طبعا."

وردا على سؤال عن شخصية المتحرش بها، قالت: "حد بيركّب المايك بتاع الصوت، كانت المساعدة بتاعتي بتجيبلي حاجة، لمسني وطلع يجري، واختفى من اللوكيشن والتصوير. ساعتها مسكتش زي المرة الأولانية، زعقت وبعد كده قعدت أعيط."

كما تحدثت مروة الأزلي عن تجربة تحرش أخرى مرت بها قائلة: "افتكرت الموضوع ده لما كنت بعمل مسلسل حرب أهلية في رمضان اللي فات. كان في من المشاهد إن زوج والدتي بيتحرش بيا، في اللحظة دي أنا افتكرت المشهد ده. وفي مشهد أنا بحكي لأخويا – النجم باسل خياط – الموضوع وعيطت جدا. أنا كنت بعيط حقيقي من إن أنا افتكرت المشهد اللي حصللي."