نضال الشافعي: لي الشرف أكون من أسرة متوسطة وحارة مصرية

فى سينما وتلفزيون

الأحد , 29 أغسطس 2021 - 02:08

شرح الفنان نضال الشافعي مراحل من مسيرته الفنية عكست تحقق مقولة لكل امرئ من اسمه نصيب في حياته.

وفي حواره مع الإعلامي عمرو الليثي ببرنامج "واحد من الناس" على قناة الحياة، قال نضال الشافعي: "أنا شاب مصري طبيعي جدا، كان لي الشرف أكون من عائلة متوسطة ومن الحارة المصرية. حبيت فكرة الفن من صغري، وبعدين اجتهدت على قد ما أقدر ودرست الموضوع عشان يبقى بشكل أكاديمي، في أكاديمية الفنون المعهد العالي للفنون المسرحية. وبعد كده حبيت أناضل أكتر ودرست في أستوديو مركز الإبداع عند أخويا الكبير وأستاذي خالد جلال حوالي تلات سنين، وعملت شوية شغل في الفن في مسرح الهواة، إلى أن ربنا كرمني وشافني الأستاذ الكبير شريف عرفة، والأستاذة الكبيرة ساندرا نشأت، ومن هنا ابتدت فكرة الظهور على الكاميرا لأول مرة، سواء في ملاكي إسكندرية، أو تامر وشوقية، أو الجزيرة."

وأضاف: "أنا من أسرة ملهمش علاقة بالفن، ومفيش المال الفظيع، فاجتهدت على قد ما أقدر إن الواحد يطلع ويظهر موهبته، فمكانش في الواسطة ولا فكرة المال الوفير اللي يدخلك من أوسع الأبواب."