ابن شعبان عبد الرحيم يتذكر المكالمة الأخيرة بين سمير غانم ووالده الراحل

فى سينما وتلفزيون

الاثنين , 24 مايو 2021 - 23:05

قدم عصام شعبان عبد الرحيم، ابن الفنان الراحل شعبان عبد الرحيم تعازيه لأسرة الفنان سمير غانم.

وفي مقابلة مع برنامج The Insider بالعربي على تليفزيون دبي، قال عصام شعبان عبد الرحيم: "عايز أقول لأسرة عم سمير البقية في حياتكو والله يرحمه، والشعب المصري كله بعد مايشوف اللقاء ده يقراله الفاتحة، عشان هو كان حنين جدا وطيب قوي، وآخر واحد في الناس اللي بيضحكوا بجد عم سمير."

وروى ابن شعبان عبد الرحيم ما حدث في آخر مكالمة بين سمير غانم ووالده الراحل قائلا: "آخر مكالمة أنا كنت عند أبويا في المستشفى، ولقيته بيتكلم في التليفون..بصيت لقيته بيبكي قوي وشد انتباهي، لأنه لما كان بيعيط كنا بنزعل عليه. فضلت واقف أتفرج لحد ما خلص بقوله مالك يابا، قالي عمك سمير كان زعلان عليا وعمال يكلمني. تقريبا عم سمير زعل عليه فوصل أبويا للمرحلة اللي كان فيها."

يذكر أن شعبان عبد الرحيم شارك في عدة أعمال مع سمير غانم: مسرحية "دو ري مي فاصوليا"، التي انطلق عرضها عام 2001، ومسلسل "عبد الحميد أكاديمي" عام 2005، ومسرحية "سيبوني أغني" عام 2017، آخر عمل جميع بينهما على المسرح، وكان الراحل سمير غانم يذكره كثيرا في مقابلاته التليفزيونية.