إلهام شاهين: نفسي البنات ما يخافوش يبلغوا عن المتحرش..خوفهم بيشجعه

فى سينما وتلفزيون

الأربعاء , 24 مارس 2021 - 01:03

وجهت الفنانة إلهام شاهين رسالة للفتيات شجعتهن فيها على الإبلاغ عن حالات التحرش دون خوف.

وفي مداخلة هاتفية مع الإعلامية لميس الحديدي ببرنامج "كلمة أخيرة" على قناة ON، قالت إلهام شاهين: "نفسي البنات ما يخافوش، خوفهم يشجع المتحرشين، ويخليهم يعرفوا إنها حتخاف وتخجل تقول للمجتمع علشان ما يبقاش في شوشرة حواليها. ده يخليهم يمارسوا التحرش ويكرروه، ولازم يبقى في ردع ليهم، وعلشان نوقفهم عند حدهم لازم يتفضحوا، ولازم يبقى في قوانين حاسمة جدا."

وأضافت: "فيلمي « حظر تجول » عن زنا المحارم، أي بنت تتعرض لأي نوع من التحرش من أبوها أو أخوها أو عمها أو أيا كانت درجة القرابة لازم تتكلم وتواجه المجتمع. مش هي المخطئة، المخطئ هو الّي يخاف من الفضيحة مش هي."

وعن نموذج المرأة القوية الذي تقدمه في حكاية "حتة مني"، من مسلسل "زي القمر"، قالت: "أنا أحب المرأة القوية جدا، والمرأة تعلا عند الراجل لما تحافظ على كبريائها وكرامتها، مش لما تطاطي. أنا أعرف ستات كتير تعرف إن جوزها على علاقة وتطنش علشان ما تخربش حياتها. بأشوف الست دي ما بتحبش الراجل، وهي بتعمل كده لمجرد إن في راجل يصرف عليها، وست ماعندهاش كيان مستقل، لكن أعذرها."