أعلن الإذاعي والفنان الشاب خالد عليش عن رحيله عن إذاعة "نجوم FM" التي يقدم من خلالها برامجه الإذاعية "معاك في السكة" و"الموقف".

وأعلن خالد ذلك عبر صفحته الرسمية على موقع Facrbook، وكتب:

"لكل اللي بيسأل واللي مهتم واللي مش مهتم أنا ليه مش في (نجوم اف ام) السنة دي - (موسيقي أيام السادات في الخلفية)
- للأسف وببالغ الحزن والأسي مش هاكون ضمن فريق (نجوم اف ام) السنة دي يعني مفيش (معاك في السكة) ولا (موقف) ولا (هلي) في ٢٠١٩".

"أسباب كتير هي السبب في القرار ده منها الميعاد الصعب جدا وخصوصا أني بشتغل حاجات تانية منها أني بمثل وغيره
بس اللي يعرفني كويس في الشغل يعرف أني بحب التجديد دايما ومحبش اقف عند مرحلة معينة من النجاح و خلاص".

"نجاحي في (نجوم اف ام) مكانش معتمد عليا أنا بس، بالعكس أنا كنت جزءا صغيرا جدا من منظومة اتشرفت أني اشتغلت معاهم من أصغر شخص لأكبر شخص ، ولآخر لحظة علاقتنا زي الفل يعني مش ماشي بمشكلة ولا حصلت خناقة ، عشان الإشاعات المغرضة ، وكان من أهم أحلامي اللي عافرت كتير عشان أوصله أني اشتغل مذيع في (نجوم اف ام )".

"أنا سايبلكم خالد جواد مكاني عشان الوحيد اللي لقيته اسمه خالد ، ربنا معاه إن شا الله و(نجوم اف ام) كلها في ضهره -
(موسيقي حزينة في الخلفية) - أنا اسف لكل اللي اتعودو يروحو علي البرنامج ولكل اللي مزاجه بيظبط مع (الهلي) بس هي سنة الحياة التغيير".

"مش عايز حد يزعل وعايزيكم تقفوا معايا في خطواتي اللي جاية وبلاش عبارات ليه يامعلم تعمل كده ده أنت كنت مكسر الدنيا و لا بصات الشفقة عشان أنا فيا اللي مكفيني - (موسيقي فرحة في الخلفية) - انتظرو تفاصيل اكتر عن المشروع الاذاعي القادم في الايام الجاية".

وكان خالد عليش قد انتقل في 2016 إلى إذاعة "نجوم FM" وقدم عبر إذاعتها برنامجي "معك في السكة" و"الموقف"، وحقق بهما نجاحا مع المستمعين.

اقرأ أيضا

سعد لمجرد: "مافيا" أغنية رائعة.. هكذا رد عليه محمد رمضان

بالفيديو- مدحت صالح يكشف عن تناوله الخمور ومكان دفنه عند الموت