حالة من الغضب انتابت متابعي مسلسل "طايع" بعد متقل "ضاحي" الذي يقدمه علي قاسم على يد "طايع" الممثل عمرو يوسف، ولذلك أوضح الكاتب والمخرج محمد دياب مؤلف المسلسل سبب مقتل "ضاحي".
كتب محمد دياب عبر حسابه بموقع Facebook: "تحذير حرق لاحداث حصلت في مسلسل #طايع
من ساعه حلقه فواز و بعدها مهجه و الناس تعليقاتها تحولت لمظاهره عاوزه تشوف دم و انتقام. حتي الصديق الرومانسي الموهوب تامر حبيب كتب انه عاوز يشوف كل ولاد حربي ميتين قبله. الانتقام غريزه طبيعيه و تقريبا معروف دراميا ان اي تيمه انتقام بتنجح، بس احنا كصناع طايع شايفين التار ده لعنه و مكانش ممكن يكون اختيارنا شعبوي فكان لازم يكون طريق الانتقام مفروش بشوك و له تمن كبيير ... كان هيبقي مرضي للناس اكتر بكتير لو حد تاني من ولاد حربي اللي مات امبارح و مكنتش موجه الغضب دي هتحصل بس هي مقصوده عشان كل اللي اتجروا مع الشخصيات و تملكهم الغضب يعرفوا و يحسوا الشخص اللي بيسيب نفسه للانتقام بيحصله ايه ... التار و الانتقام افكار مدمره و التعامل معاها لازم يبقي حساس و بطريقه متبقاش جماهيره و بس، تابعوا #طايع لآخر يوم و بعدها نبقي نتحاسب".
مسلسل "طايع" بطولة عمرو يوسف مع كل من عمرو عبد الجليل وسلوى محمد علي وصبا مبارك وسهير المرشدي ومحمد علي وأحمد داش ورشدي الشامي، وهو من إخراج عمرو سلامة وتأليف خالد دياب وإنتاج شركة "ماجنوم" المملوكة لرامي إمام وهشام تحسين.
اقرأ أيضا