هاجم الشاعر أمير طعيمة الفنان محمد رمضان بسبب إطلاق رقم واحد على مسلسله "نسر الصعيد" المشارك في موسم رمضان 2018.
وكتب طعيمة عبر حسابه على Facebook:"الأخ محمد رمضان نزل علي صفحته الموثقة في الانستجرام بوست وهو راكب عربية فيراري في بيته، بيقول فيه: الحمد لله على اعلى نسبة مشاهدة لنسر الصعيد (إياك تفكر تسبق الفيراري) أنتظروا الأغنية كاملة على قناتي ع اليوتيوب ولا عزاء للأغبياء.
وأضاف طعيمة: "في إهانة واضحة ومباشرة لكل من شارك في الموسم الرمضاني الحالي، تخيل الموسم ده شارك فيه عادل إمام ويحي الفخراني، وغيرهم ممن سبقوه ومن هم من جيله ومنهم من يفوقوه في الموهبة وفي احترام زملائهم. وكمان مشغل اغنية بتقول أنه رقم واحد وكلام كتير لا يحمل أي احترام للمنافسين".
وتابع: "أتمنى من أصدقائي الممثلين اللي هيقروا البوست ده او هيوصلهم أنهم يمتنعوا عن مشاركة آل باتشينو الجيل في أعمال مستقبلية احتراما لأنفسهم و لجمهورهم حتي يعود لصوابه، و خاصةأن محمد رمضان عادة ما ينسب النجاح لنفسه فقط".
وأكمل :"عزيزي محمد رمضان، عاصرت أحمد ذكي و محمود عبد العزيز و عادل امام و نور الشريف و أعرف عن قرب عمرو دياب و منير و غيرهم و غيرهم، و في حياتي ما شفتش فنان منهم قال علي نفسه رقم (١) إلا أنت، أما فيلتك و عربياتك فعايز أقولك أن فنان زي عمرو دياب مثلا ممكن يشتري كل أملاكك دي بشغل سنة واحدة و عمرنا ما شفناه بيتباهي أمام جمهوره بما يملك".
وأنهي طعيمة رسالته :"نصيحة من شخص هتقرا ما كتبه و هيبقي عدوك و ده شيء لا يعنيني: من تواضع لله رفعه، أحترم زمايلك و احترم أن فيه ناس بتحبك ممكن تكون بتنام من غير عشا و بطل الجو ده لأنه عيب و لا يمت للفن الحقيقي بصلة".
اقرأ أيضاً
خروج 4 أفلام لكبار النجوم من موسم عيد الفطر 2018.. من بينهم محمد رمضان ويوسف الشريف
محمد رمضان: أنا الأعلى مشاهدة في إعلانات رمضان