هاجمت الممثلة وملكة الجمال السورية سارة نخلة برنامج "نفسنة" ومقدماته بسبب موقف تعرضت له في حلقة صورتها معهن.
وحكت سارة عما حدث معها خلال تصوير الحلقة وبعد ذلك وكشفت عن بعض الأسرار من الكواليس.
وقالت سارة في منشور عبر حسابها في موقع Facebook إنها ذهبت لتصور حلقة من البرنامج بعد ترشيح من هيدي كرم والتي شاركتها في مسلسل "هبة رجل الغراب" وكانت سعيدة بهذا الأمر ولكن في كواليس حلقتها حدثت مشادة بين المذيعة حبيبة وانتصار وبدرية طلبة وكالعادة انسحبت حبيبة.
وبعد تصوير الحلقة فوجئت سارة أنها لم تعرض وطُلب منها أن تأتي مجددا لتصوير حلقة جديدة تعيد فيها كل ما قالته لأن الحلقة الأولى وضح فيها توتر المذيعات وظهر شكلهن غير مرضي، ولكنها رفضت لأنها لم ترغب في التمثيل على المشاهدين مشيرة إلى أن البرنامج به الكثير من التمثيل ويتم حذف الكثير من اللقطات في المونتاج.
وورد في منشورها: من شهرين تقريبا استضافوني في برنامج نفسنة، وصلت الأستوديو وبعد انتظار أكثر من 5 ساعات عملت ماكياج وشعر وبقيت جاهزة وأنا كل شوية أسأل هو في إيه يا جماعة وبعدين يا جدعان وأنا عايزة أمشي بس عيب جدا عشان زميلتي العزيزة هيدي كرم هي إلّي اقترحت استضافتي بعد لقائنا في تصوير مسلسل هبة رجل الغراب مشكورة طبعا وعشان أنا كنت متحمسة للحقلة عشان فاكراها حلقة ضحك وهزار وفرفشة.
وتابعت: المهم بقا بعد كل الانتظار ده، بسمع صوت ردح وزعيق وصريخ وكلام فظيع غريب مش هكتبه عشان عيب قوي، المهم يا أساتذة طلعت الأستاذة بدرية والأستاذة انتصار مع كل احترامي ليهم طبعا وأنا مفيش بيني وبينهم إلا كل خير وحب ومودة بيتخانقوا مع حبيبة وإلّي فهمته إن حبيبة سابت البرنامج ومشيت فبالتالي إتاخروا عشان يفهموا هيعملوا إيه.
طلعت صورت وكانوا لطاف جدا، انتصار وبدرية وهيدي حقيقي كانت حلقة لطيفة جدا، عدى شهرين وأنا بسأل متى حلقتي ستذاع والإنتاج يقول لي كمان شوية وكمان شوية وكمان شويتين المهم بقا من خمس أيام عرفت من الإنتاج أن الحلقة مش هتتعرض وأنا قولت أستنى خمس أيام قبل ما التسرع وأكتب البوست . خير إن شاء لله،قالك ولله المذيعات طالعين مش حلوين نعم يا فندم هو مفيش مونيتور هو مفيش مخرج كان قاعد بيشوف هو مفيش ناس متابعه هو مفيش مكياج هو إيه بالظبط. قالك ولله المذيعات كانوا متوترات بسبب إلّي حصل قبل الحلقة. ومعليش يا أستاذة احنا هنعيد الحلقة. نعم! يعني مطلوب مني أرجع أمثل وأعيد إلّي عملته عشان المذيعات كانوا متوترات.
وأضافت، السؤال هنا، هو المخرج ده بيكون موجود في الحلقات كلها وبيشوف النفسنة والردح والكلام الغريب وما شافش ان المذيعات كانوا متوترات بصراحة شابو على برنامج التمثيل النفسناوي البحت. السؤال هنا هل سبب عدم العرض هو إني قولت في الحلقة إني بحب حبيبة الكيوت اللذيذة المحترمة أو لأني كنت عفوية وطبيعية جدا وهم متعودين على التمثيل، معلومة لا تعرفوها عن برنامج نفسنة بقا اهي حصلت وحصلت بقا. بيعرضوا الي هم عايزينه والباقي بيروح بالمونتاج وش. وحواري ده اتكرر مع أكثر من فنان منهم محمد سليمان والخناق حصل بوجوده والفنان عمرو عبد العزيز.
لازم اتشكر معدة البرنامج حنان حسين عشان تعبت معايا وتابعت معايا وكانت متحمسة زيي أشكرك. أشكر هبة مجدي على المكياج وبشكر غادة حشاش على الفستان وده واجب عليا عشان الناس دي تعبت وتعبها ما تقدرش وطلع."
واختتمت منشورها كاتبة: "احترموا الناس عشان نحترمكم".
وتشارك سارة في مسلسلات تعرض حاليا على الشاشات العربية منها "اختيار اجباري" على شاشة "dmc" والجزء الرابع من "هبة رجل الغراب" على "CBC".
اقرأ أيضا:
بالفيديو- في حلقة جديدة من "نفسنة".. حبيبة تترك البرنامج مجددا وهذه رسالتها لانتصار
بدرية طلبة تكشف عن المذيعة التي تسببت في تركها لـ "نفسنة"
بالفيديو- عودة بدرية طلبة إلى برنامج "نفسنة"
بعد تركها لبرنامج "نفسنة" للخلافات.. حبيبة تسافر لتغطية حفل الأوسكار