أفصحت النجمة راندا البحيري للمرة الأولى عن قدوتها في المجال الفني، وهو النجم أحمد السقا، مبررة أسباب اختيارها له عبر Facebook.

وقالت راندا على موقع التواصل الاجتماعي الشهير: "طول عُمر الفنانة لو ليها قدوة بتكون فنانه زيها.. ولو نفسها تكون زي حد بيكون نفسها تبقي واحدة من زمن الفن الجميل زي ما بيسموه، واحدة من أيام الأبيض والإسود.. إللي بتقول أنا بعشق سعاد حسني واللي كان نفسها تكون شبه فاتن حمامه واللي واخده من هند رستم قدوه ليها وهكذا.. ومن صغري ولما كان أي صحفي يسألني السؤال ده كنت بحتار حيره غريبه.. كنت بفكر كتير.. لحد ما إكتشفت إني بكره فكره القدوه لأسباب كتير".

وتابعت: " بس فعلا لو حبيت أقتدي بحد.. ولو هقول مين أكتر فنان بيلهمني في الوسط الفني.. ومين من أكتر الناس اللي بحترمهم في حياتي.. وأتمنى إني أكون زيه.. وبحبه من قلبي رغم عدم معرفتي الوطيدة به.. وبيضحكني ويبكيني ويمتعني بفنه.. ويبهرني بحبه للناس وحب الناس ليه وحبه لشغله وإخلاصه له.. يبقي أحمد السقا".

وتنشغل راندا البحيري حاليا بتصوير فيلمها السينمائي الجديد "الدنيا مقلوبة"، وهو من تأليف محمد رفعت، وإخراج هاني صبري، ويشاركها بطولته إدوارد، وهو من إنتاج مدحت سعد.

من ناحية أخرى، تنتظر راندا البحيري قرار الرقابة النهائي بشأن إجازة عرض أحدث أفلامها "بنت من دار السلام"، والذي أثار الكثير من الجدل حول تطرقه لموضوع الماسوشية، لدرجة أن وزير الثقافة محمد صابر عرب شكل لجنة لمشاهدة الفيلم مرة أخرى، قبل الموافقة على عرضه.