حرصت المطربة شذى أن تُعلق على القضية التي أثيرت مؤخرا حول شركة "جلوبال"، والمتهم فيها المطرب حاتم فهمي بالنصب على العديد من الأشخاص.

كما أكدت شذى أنها ليس لها صلة بهذه الشركة على الإطلاق، وأنها لا تستثمر أموالها في مثل هذه الشركات.

وكتبت شذى عبر حسابها الشخصي بموقع Facebook: " يا جماعه علشان اللي بيبعتولي يسئلوني انا لا في جلوبال ولا غيره انا بحب لما استثمر فلوسي في حاجه اكون عارفه هي ايه و فلوسي رايحه فين مش افرح بمكسب و خلاص ...لان ايه عارفني مش يمكن المكسب ده من غسيل اموال مثلا تجاره سلاح ولا اي زفت".

وأضافت: " بإذن الله اللي ليه فلوس ترجعلوا بس اكيد في حاجه غلط لاني اعرف حاتم فهمي من ١٠ سنين و شهاده لله البني آدم ده من اطيب و اكتر الناس المتربيين و اهله ناس قمه في الاحترام و التدين ده بس لتوضيح . وانا مش طرف في الموضوع من قريب او من بعيد بس ربنا يرجع الحق لاصحابه و يتضح مين سبب المشكله دي".

وتم حبس حاتم فهمي أربع أيام على ذمة التحقيق بعد أن تقدم 1400 شخصا ببلاغات ضده يتهمونه فيها بالنصب عليهم.