ردت الفنانة بشرى على الجدل والانتقادات التي توجه لمسلسل "سيد الناس".
وقالت بشرى في لقاء مع ET بالعربي: "هو في مسلسل مش عليه جدل ولا انتقاد ولا هجوم لو اتفقت الأذواق هتبور السلع، مفيش مسلسل لمحمد سامي مش عليه جدل وهو عنده مسلسلين هذا الموسم أنا بتفرج على "إش إش" وبحبه جدا مشدودة ليه أنا والأسرة واتفرجنا قبلها على "نعمة الأفوكاتو"، أنا مليش دعوة بحالة الجدل أنا ليا اللي قدامي بيبسطني بالعمل ولا لأ أنا مشدودة ولا لأ قفلة الحلقات بتشجعني أشوف الحلقة اللي بعدها ولا لأ إنما الكلام الكتير دي بقيت سياسة السوشيال ميديا في أي حاجة، مبقتش فارقة بالنسبالي اللي يهمني العمل وردود أفعال الناس العادية الطبيعية اللي في الشارع".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وعن تعاونها لأول مرة مع المخرج محمد سامي قالت بشرى: "المخرج محمد سامي دايما عليه حالة جدل مستمرة حبيت استكشف هل الجدل دا على حق ولا الكلام دا كله هجص زي ما بيقولوا، لقيت أن هو راجل بيحب شغله أوي ودقيق جدا ولما بيزعق أو بيضايق بيبقى عشان في استهتار أو في ناس مش ملتزمة ومش دقيقة بعض الناس معندهاش ضمير في الشغل بيبقى غضبه على حق لكن هو بيحترم المحترم وبيقدر الشاطر جدا والمستهتر أو اللي محتاج أنه يركز أكتر هو اللي بيتكلم معاه".
نرشح لك: ياسمين صبري تتعرض لموقف محرج مع محمد رمضان في حفل سحور "ميديا هب": ابنك! إنت مجنونة!
وعن تشبيه البعض مسلسل "جعفر العمدة" بمسلسل "سيد الناس" قالت بشرى: "أنا متفرجتش على "جعفر العمدة" العيلة عندنا في البيت اتفرجوا عليه أنا وقتها مكنتش في مصر ومتفرجتش عليه فمقدرش أقارنه بمسلسل "سيد الناس" خصوصا وأنا شغاله فيه فشهادتي مجروحة في كل الأحوال".
ويعرض مسلسل "سيد الناس" في تمام الساعة 11 مساء عبر قناة MBC مصر، والإعادة الساعة 4 عصرا، إلى جانب عرضه عبر منصة "شاهد".
قصة مسلسل "سيد الناس"
عندما يموت زعيم عائلة أبو العباس، يوصي لابنه جارحي بالعائلة وميراث العائلة. هذا الإرث ليس مالاً ولا جاها بل مصائب يومية لايتخيلها عقل من الأعمال غير المشروعة في الذهب والألماس والمخدرات والفساد.
أبطال مسلسل "سيد الناس"
مسلسل "سيد الناس" بطولة عمرو سعد، خالد الصاوي، الهام شاهين، منه فضالي، أحمد فهيم، رنا رئيس، نشوى مصطفى، عماد زيادة وآخرين، تأليف وإخراج محمد سامي.
اقرأ أيضا:
فيديو – آية سماحة: بيتنا مكانش فيه حب وعلاقة صحية بين أب وأم
فيديو - محمود عزب يقلد محمد رمضان بطريقة إستيفان روستي
حفيد محمود الجندي يظهر في الحلقة 9 من "عايشة الدور" ... هكذا أصبح شكله
لا يفوتك: في الفن يكشف حقيقة وليد فواز مبدع أدوار الشر
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5