حرص عدد من النجوم على توجيه رسائل دعم للمخرج محمد اسمي بعد إعلانه اعتزال الإخراج التليفزيوني.
وفي لقاءات مع ET بالعربي كشف النجوم عن رأيهم في قرار محمد سامي.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وقالت الفنانة عبير صبري: "يا جبل ما يهزك ريح وصحيح في انتقادات بس الفن عموما يحتمل العديد من وجهات النظر ويحتمل النقد لكن هو طبعا مخرج كبير وناجح جدا وبيبقى عنده أسباب مهمة للنجاح فاهم إزاي يصنع النجاح".
نرشح لك: فيديو - أحمد السقا: أرشح أحمد غزي لبطولة "تيتو 2" ... أنا اللي معلمه تمثيل
فيما قالت بدرية طلبة: "هو موجود وهيدرس ربنا يوفقه طبعا خسارة كبيرة للدراما لأن الناس مش واخده بالها أن هو بيقعدنا قدام التليفزيون لأن هو مخرج شاطر، ومش يعمل حاجة الناس متشوفهاش لأ إحنا بنشوفها والناس بتحبها ولو هو عمل دا عشان الانتقادات والتعليقات السلبية فهو يبقى غلطان أوي لأن أعماله ناجحة والدليل على كده نسبة المشاهدة عالية جدا إذا كان "إش إش" أو "سيد الناس" ويكفي أن هو مش عايز يضحك على نفسه ولا الناس لأنه بيقول أنا قدمت كل اللي عندي برغم إني أنا عارفة أن عنده كتير يارب يكون خير".
وقال أمير شاهين: "محمد سامي أنا بشوفه من أهم المخرجين الموجودين على الساحة، دا تاني عمل اشتغله معاه وبنبسط جدا بالشغل معاه لأنه مخرج محترف ومتمكن من أدواته جدا وبتعلم منه كل ما بشتغل معاه، عدم وجوده أكيد خسارة للدراما المصرية".
وقالت داليا مصطفى: "هو قال أنه محتاج يدرس حاجة وأنا بقول برافو أن هو دايما متجدد".
فيما قال المنتج جمال العدل: "أنا أزعل لما مخرج كبير يبقى عايز يعتزل الإخراج، محمد سامي عامل نجاحات مهمة جدا، وأنا وجهة نظري كل واحد يعمل اللي هو عايزة فبقوله حتى لو هوجمت على حاجة مش قصة أوي دا ميخلكش تتهز وتقول هقعد، أنا بقوله تعالى أول مسلسل جاي أتمنى أنك تخرجهولي، هو عمل مسلسلات اجتماعية عادية رائعة لغادة عبد الرازق وتامر حسني ومحمد رمضان، الحرب عليه أزيد من اللازم دا ضغط نفسي مفيش حد يستحمله".
يذكر أن محمد سامي أعلن اعتزاله الإخراج التليفزيوني لخشية الوقوع في فخ التكرار، كاشفا أنه سيتفرغ العامين المقبلين للسفر خارج مصر لتعلم شيء جديد لم يكشف عنه.
اقرأ أيضا:
#شرطة_الموضة: أسما إبراهيم بقفطان بلونين ومطرز في سحور برنامجها "حبر سري" ... سعره 27 ألف جنيه
فيديو – إلهام شاهين في "رامز إيلون مصر": بدور على حب جديد بس مفيش راجل يستاهل
لا يفوتك: في الفن يكشف حقيقة وليد فواز مبدع أدوار الشر
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5