نهال عنبر: أنا متجوزة بقالي 4 سنين

نهال ناصر

نهال ناصر تاريخ النشر: السبت، 1 فبراير 2025 | آخر تحديث:

نهال عنبر

كشفت الفنانة نهال عنبر أنها متزوجة منذ 4 سنوات لكنها لا تحب الظهور مع زوجها أو الحديث عنه.

وقالت نهال عنبر خلال لقائها ببرنامج "مع نزار الفارس": "أنا متجوزة بقالي 4 سنين لكن أنا مش بتكلم في حياتي الخاصة، هو من برا الوسط، مش بنشر صور معاه لأني أنا بحب حياتي الخاصة تكون مقفولة عليا بالمفتاح مبحبش حد يعرف عني حاجة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

نهال عنبر

وأكدت نهال عنبر أن إخفاء حياتها الخاصة عن جمهوره ليس خوفا من الحسد لكنها تفضل ذلك قائلة: "أنا مش قصدي عشان حسد لكن ربنا بيحب أننا منبعترش حياتنا، حتى على مواقع التواصل الاجتماعي مش بنشر حاجة خاصة بيا، ولا حياة ابني ولا حياة أحفادي، حياتي الخاصة متشمعة بالشمع الأحمر".

نرشح لك: هنا الزاهد تكشف حقيقة حصولها على سيارة قيمتها 20 مليون جنيه كهدية: كان يوم عيد ميلادي

نهال عنبر

وعن فارق العمر بينها وبين زوجها قالت نهال عنبر: "العمر مش بيفرق معايا سواء أصغر أو أكبر مني، وزوجي الحالي أصغر مني لكن بشوية مش كتير، في السن دا الفرق سنة اتنين أكبر أو أصغر مش كتير المهم ميبقاش قد ابني حسام مثلا طالما حلال مفيش نقاش فيه".

وخلال اللقاء كشفت نهال عنبر عن رأيها في فكرة تدين المرأة دون حجاب.

نهال عنبر

قالت نهال عنبر: "التدين من غير حجاب ينفع، دي بقى ربنا اللي يحاسب، مش أنت، أنا شايفة انه ينفع، وأنا بقى مع شيخ الأزهر كدة زي ما أنا، وهو يعلم إني بصلي وبقرأ قرآن وأذكاري وتسبيحاتي والسنن بعملها".

وتابعت نهال عنبر: يعني أنا متدينة، مابأذيش حد ومابضرش بساعد الناس على قد ما أقدر، ممكن يبقى ناقص دي حاجة ربنا اللي هيقولها مش احنا.

يذكر أن اَخر أعمال نهال عنبر، كان مسلسل "بدون سابق إنذار"، الذي عرض في الموسم الرمضاني الماضي، من بطولة آسر ياسين وشاركها عدد من النجوم منهم عائشة بن أحمد، أحمد خالد صالح، إسلام حافظ، جهاد حسام، أحمد على ماهر، حنان سليمان، والعمل قصة ومعالجة درامية ألمى كفارنة وسيناريو وحوار كل من عمار صبرى وسمر طاهر.