كشف الملحن الراحل محمد رحيم كواليس صناعة إحدى الأغاني التي تعاون فيها مع الشاعر الكبير عبد الرحمن الأبنودي، و"الكينج" محمد منير.

وقال محمد رحيم خلال لقائه مع قناة الوثائقية: "أغنية قلبي ما يشبهنيش قصتها غريبة، لقيت الخال عبد الرحمن الأبنودي بيكلمني الساعة 2 بالليل وبيقول إلحق عملت أغنية غريبة. الأغنية من أعمق وأهم الأغاني الفلسفية اللي اتكتبت في التاريخ".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف محمد رحيم: "الأغنية بتتكلم عن صراع بين الراجل الكبير في السن المجرب اللي عنده خبرة، ونفس الشخص قلبه قلب طفل صغير، وفي خناقة بين القلب والعقل أو القلب والشكل عند نفس الشخص طول الوقت".

وتابع: "فضلت من الساعة 2 للفجر معملتش اللحن، لكن عارف إن في هدية حلوة جاتلي النهاردة، وعملتها بعد الفجر".

طالع أيضا - مايا دياب تستعرض تفاصيل إطلالتها في حفل الموريكس دور 2024

أوضح محمد رحيم أن محمد منير تأثر بكلمات الأغنية قائلا: "حصل موقف رهيب، منير وإحنا بنسجل الأغنية في الأستوديو وقف قدام الميكروفون، وعند حتة من الأغنية بتقول أصدق كتير مني وأجرأ كتير مني بكى بكا رهيب، لأن كلام الأغنية ينطبق عليه".

وأكمل محمد رحيم: "مهندس الصوت مسح التراك اللي فيه بكا محمد منير، قلت له إنت مجنون، إنت مش شايف إحساسه، ورجعنا التراك بسرعة واستعملته، وفي آخر الغنوة هتلاقوا دموع بجد".

يذكر أن محمد رحيم رحل عن عالمنا في الساعات الأولى من صباح السبت 23 نوفمبر.

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5