وجه طاهر رحيم، شقيق الفنان الراحل محمد رحيم، رسالة للفنان تامر حسني، عبر فيها عن شكره له بعد قيامه بالتدخل لتوضيح موقف الفنانة شيرين عبد الوهاب في حفلها الأخير بالكويت، الذي طلبت فيه من جمهورها قراءة الفاتحة للملحن الراحل.
وقال طاهر رحيم في منشور عبر حسابه في موقع التواصل الاجتماعي فيسبوك بوك: "الوحيد اللي حاسس و عارف حقيقة كل اللي عديت بيه نفسياً انا و كل اسرتنا هو اخويا و اخو رحيم التالت الصادق الجميل ( تامرحسنى)، الله يسترك يا تامر على قلبك اللي مشوفتش زيه في حياتي، متشكر يا راجل يا اصيل لوقفتك جانب كل العيله و اصلاحك لما افسدته الفتنه بينا كلنا".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وأضاف طاهر رحيم: "متشكر لتكريمك لاخويا بايدك لاخر حباية رمل في تربته، وفعلاً شيرين اختنا وانا زعلت عشان جالي الڤيديو في الاول جزء بتضحك فيه، بس لما انت بعتلي الڤيديو كامل وشرحتلي عرفت انها حقيقي زلة لسان، وانا متاكد من رأيك و ربنا يجازيها كل خير كفايه انها حاولت تكرمه وسط جمهورها".
واختتم طاهر رحيم منشوره قائلا: "لكل محبين اخويا انا بقرأ كل كلامكم الحلو والجارح اللي بيتقال ظلم ليا دون علم الدواخل و دون علم بنفسيتي ازاي انهارت واتصدمت بسبب فراق اخويا وانقسم ضهري وبقيت عايز اضم كل الناس و الفنانين في حضني عشان رد اعتبار اخويا في الدنيا بعد ما مات مقهور من تهميشه بقيت عايز اوصله و اقوله بص يا محمد بيحبوك ازاي بص مقدرينك ازاي و تاني انا اسف للجميع. شكراً يا تامر".
وكان تامر حسني دافع عن شيرين عبد الوهاب، بعد الانتقادات التي وجهت لها بسبب ارتباكها أثناء دعوة جمهور حفلها في الكويت لقراءة الفاتحة للملحن الراحل محمد رحيم، واستبدالها عبارة صدقة جارية بسيئة جارية.
وقال تامر حسني في منشور عبر صفحته الرسمية في موقع التواصل الاجتماعي إنستجرام: "واثق إنها زلة لسان من شيرين لأن شيرين من أكتر الناس اللي بتحب محمد رحيم الله يرحمه ومن أكتر الناس اللي عارفه قيمته لإنها فنانه كبيره بالاضافه لانها اعتذرت على المسرح في وقتها و نيتها كانت تكريم وطلبت الفاتحه من الجمهور". (التفاصيل)
وكانت شيرين عبد الوهاب طلبت خلال حفلها الأخير في الكويت من جمهورها قراءة الفاتحة للفنان الراحل محمد رحيم معقبة: "محمد رحيم اللي عامللي مشاعر، وصبري قليل والوتر الحساس وأنا في الغرام. يا رب تروح له إن شاء الله معلش. خلينا نعمل سيئة جارية".
واعتذرت شيرين بعدها قائلة: "يا جماعة محدش يخليني أتكلم في المايك، حسنة جارية، والله العظيم هيسيبوا كل حاجة ودي هتبقى تريند دلوقتي".
وتابعت شيرين عبد الوهاب خلال الحفل: "يا جماعة أنا اتلخبطت، يا ريت اللي ينزل الفيديو اللي فيه ده أنا بعتذر، بلاش تخلوني أتكلم أنا فضيحة". (التفاصيل)
اقرأ أيضا:
مروة صبري تدافع عن شيرين عبد الوهاب بعد حفل الكويت: الست غلطت في كلمة وقالت أنا آسفة
القصة الكاملة للقبض على هيثم محمد وبحوزته مخدر "الهيروين"
داود حسين يتجاهل قرار سحب الجنسية الكويتية ويحتفل بالعيد الوطني الإماراتي
غادة إبراهيم: أرفض المساكنة وأغلب الأدوار اللي بتتعرض عليا الدلوعة واللعوب
لا يفوتك: في الفن يكشف حقيقة وليد فواز مبدع أدوار الشر
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5