رد مؤدي المهرجانات حمو بيكا على الجدل الذي أثير خلال الساعات الماضية بعد انتشار صورة له مع راقصة مصحوبة بكلام عن لسانه وفيه يشيد بالراقصة لأنها تعمل في الشتاء وهي لا ترتدي ملابس ثقيلة.

وظهر حمو بيكا في فيديو عبر حسابه على Facebook وقال فيه: "أنا طالع أقول كلمتين للصحافة واللي كتبوا حاجات مش على لساني أنا عمري ما أقول كده ولا ينفع أقول كده منزلين صورة وأنا بغني وجمبي رقاصة ويقولك حمو بيكا بيقول أنا بحترمك أنك بتشتغلي وبتقعلي في السقعة أنا عمري ما صدر مني الكلام دا ولو في فيديو تقدروا تنزلوه واتحاسب عليه وأي صحافة أو أي حد بيكتب كلام مش على لساني هاخد إجراء قانوني وهعرف أوصل ليه".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع حمو بيكا: "دا واحد صفحته واقعة وعايز يعمل تريند على حسابي، أنا عمري ما أقول كده الراجل راجل والست ست وفي ناس عارفة أن بيكا عمره ما يقول الكلام دا أصلا، في ناس كتيرة زعلت ونزلت الكلام اللي مش عارف جابوه منين أنا قلت الكلام دا فين أصلا".

نرشح لك: تفاصيل حفل شيرين عبد الوهاب في الكويت: هنأت لبنان بوقف إطلاق النار ... وترحمت على محمد رحيم

وأكمل حمو بيكا: "أنا راجل بنزل شغلي وبخلصه وبروح بيتي مليش دعوة باللي اشتغل واللي ماشتغلش، اللي طالع أقوله سيبوا الملك للمالك وسيبوا كل واحد في حالة وكل واحد يشق طريقة أنا مش بأذي حد عشان حد يأذيني ويقول كلام عليا أنا مقولتوش البلد فيها قانون وأنا هاخد الإجراء القانوني وأي حد هينزل كلام مش على لساني دي ناس مش لاقية حاجة تعملها، أنا مش عايز أغلط ومش عايز أقول كلام بقوله تلقائي وتزعلوا مني أنا مصدرش مني الكلام دا ولا ينفع أقوله واللي عايز يعمل التريند التريند بتاعك جيه على فاشوش واللي مع الله ميخافش من أي حد ولا يشغل باله من أي حد".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5