ردت الفنانة دينا على مطالبات البعض باعتزالها الرقص.
وظهرت دينا في برنامج "اسمع من دينا" عبر حسابها على Instagram لتوجه رسالة لكل من يطالبها بالاعتزال وأكدت أنها لن تعتزل الآن قائلة: "أنا مش هبطل رقص لأني مدربة بقالي سنين عمر طويلة بدرب في العالم كله، هفضل أدرب وهفضل أرقص لحد ما صحتي تبقى مش مساعداني".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وقالت دنيا في رسالتها: "اللي بيقول إني لازم أبطل رقص كأن هو اللي هيحدد لي مسيرتي الفنية، ابتدي أمتى وأخلص أمتى وأعيش إزاي وأعمل إيه، بيقولوا إنتي لازم تبطلي دلوقتي هما جابوا اللي بيقولوه منين أولا مسأله التبطيل دي عرض وطلب أنا مش بخبط على الناس في بيوتهم وأقولهم شغلوني، شغل الفن طول ما أنت ماسك نفسك وقادر تقدم حاجة كويسة هتبقى مطلوب".
نرشح لك: رانيا يوسف ترد على انتقادات إطلالتها الجريئة في المهرجانات: طريقة لبسي من وأنا صغيرة
وتابعت دينا: "المسألة مش مسألة قرار سهل تقدر تاخده دا مش قرار سهل خالص دا قرار صعب جدا الناس اللي بتشتغل لايف بالنسبة ليها جزء من حياتها وتركيبة يومها اتكونت على الشغل عشان يبطلوا محتاجين نقلة في حياتهم، مش مسألة أصحى من النوم بطلي اللي بتعمليه معتقدش اللي بيقول كده يقدر يبطل حاجة هو متعود إنه يعملها لكن هو يقدر يحكم على الناس كويس، لكن ميعرفش يحكم على نفسه، أنا بشوف أن الكلام دا في تحديد مصير الناس مش مفروض يتقال أساسا لأنك متعرفش البني آدم اللي قدامك ماشي إزاي ولا خطته في الحياة إيه محدش فينا أهبل كلنا عارفين بنعمل إيه كويس أوي".
وأكملت دينا: "أنا مش هبطل رقص مع احترامي لكل اللي ممكن يزعل، لأني مدربة بقالي سنين عمر طويلة بدرب في العالم كله هفضل أدرب وهفضل أرقص لحد ما صحتي تبقى مش مساعداني لكن أنا هفضل موجودة، بعتذر للي هيزعل إني مش هبطل دلوقتي بس ياريت تفكر في نفسك وهتبطل إيه أمتى وأنا مش هتدخل في الموضوع ده لأني فاهمة ان كل بني آدم في الدنيا هو اللي بيحدد مصيره".
يشار إلى أن دينا تشارك في رمضان 2025 في مسلسل "إش إش" بطولة مي عمر وماجد المصري، تأليف وإخراج ماجد المصري.
اقرأ أيضا:
#شرطة_الموضة: لقاء الخميسي تعيد ارتداء فستان ظهرت به من قبل هيدي كرم ... سعره يصل لـ100 ألف جنيه
بوسي تلفت الأنظار بـ"جمبسوت" أسود في أحدث ظهور
حملوها على الأعناق ... نانسي عجرم تتألق بإطلالتين في عرض أزياء إيلي صعب بالرياض
لا يفوتك: في الفن يكشف حقيقة وليد فواز مبدع أدوار الشر
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5