التقطت الكاميرات لحظة خاصة جمعت النجمة بشرى مع أسرتها الجديدة، زوجها خالد حميدة وحماها النجم محمود حميدة.

ظهرت بشرى مع زوجها خالد حميدة في أول ظهور رسمي لهما في مناسبة عامة، وبعدها التفت حول النجوم محمود حميدة وابنته آية.

يذكر أن خالد حميدة هو ابن زوجة محمود حميدة الثانية، ليس ابنه.

واحتفلت بشرى بزواجها في 31 يوليو الماضي، وأقامت حفلا في الساحل الشمالي وحضره عدد كبير من النجوم.

وعن طريقة تعارفهما سويت، قالت بشرى: "إحنا كنا زملاء في مدرسة واحدة، نعرف بعض من أيام المدرسة وأخوه كان مع أختي في الفصل وصديقها جدا زي أخوها، كل الناس اللي كانوا معانا في المدرسة كانوا عارفين هذه المعلومة وكان كتير منهم معزومين في الفرح، هو شخص أنا أعرفه من زمان جدا".

وعن علاقته بالفنان محمود حميدة قالت: "الفنان الكبير محمود حميدة هو اللي مربيه لأن والده توفى لما هو اتولد، وحتى وإحنا في المدرسة اللي كان بيجي اجتماع أولياء الأمور على طول أستاذ محمود حميدة مع والدته السيدة مها".

وأكملت متحدثة عن زوجها: "هو شخص ساب مصر لفترة طويلة، ولما ظهر من سنة ابتدينا نرجع نتكلم من واشتغلنا سوا والشغل جاب احتكاك وتعارف أكتر، وأنا مش باخد وقت كبير في قرار الجواز لأني معنديش رفاهية أفضل أعرف حد ويتحسب عليا، أنا عارفة المجتمع اللي أنا عايشه فيه وأنا أم وعندي أولاد وست مشهورة ولازم أراعي الجزء دا، لما أعرف حد ويكون في ارتباط بفضل نمشي بشكل رسمي عشان أريح بالي من الصداع واحتراما لأمومتي وجمهوري".

وأضافت: "خالد شخصية مستقلة جدا عايش برا مصر، بيفكر بطريقة خارج الصندوق المعتاد هنا وشبه فكري، شبه فكري لأن أنا على قد ما أنا شرقية وبحترم المجتمع اللي أنا فيه لكن عندي أفكار غربية كتير عشان نشأتي زيه هو مواليد بريطانا زي حالاتي، هو عملي وأنا ست عملية، هو شخص بيكره المدينة وبيحب يبعد عنها ويروح أماكن فيها طبيعة وإحنا شبه بعض في كدا، مجتهد وبتاع شغل وأنا كده".