أبدت مقدمة البرامج ياسمين عز استيائها من فيديوهات مواقع التواصل الاجتماعية للعديد من الشباب الذين يحتضنون بعضهم ويقبلون بعضهم احتفالا بقراءة الفاتحة.

قالت ياسمين عز في برنامجها "كلام الناس": "أول مرة في الزمن دا نشوف قراية الفاتحة فيها قبلات وأحضان، بين العريس والعروسة، ليه تقللي من نفسك؟ أنتِ غالية، جوهرة، افرضي الفاتحة دي انتهت، وكل واحد راح لحاله، إيه وضعك بقى ساعتها؟".

وتابعت: وبعدين الأهل يا جماعة، إزاي ماتوعوش بناتكم بالكلام دا، ماينفعش البوسة والأحضان في قراية الفاتحة يعني تعارف بين العائلتين؟ ليه نقابل بعض بالبوس والأحضان، هو جاي من السفر؟ مقابلاه في المطار يا روح قلبي؟ واخد علينا اوي ليه.

وأضافت ياسمين عز: خلونا نخلص الخطوبة على خير ونزق مع بعض الجوازة يا جماعة، ونشوف الهم التقيل بعد كدة، الشقة والشبكة والجهاز والرفايع.

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5