شقيق شيرين عبد الوهاب يرد على اعتذارها له: أنا تحت رجلك مفيش أم وأخت كبيرة تتأسف لابنها

مي جودة

مي جودة تاريخ النشر: الأحد، 29 سبتمبر، 2024 | آخر تحديث:

محمد وشيرين عبد الوهاب

أعاد محمد عبد الوهاب، شقيق النجمة شيرين عبد الوهاب، نشر الاعتذار الذي كتبته له، معلقا عليه بسبب ابتعاده عنها في الفترة السابقة.

كتب محمد عبد الوهاب عبر حسابه بموقع Facebook: "أولًا انتي اختي الكبيرة وامي التانية وانا تحت رجلك مفيش ام واخت كبيرة تتأسف لابنها انا تحت رجلك وانتي تاج راسي انا بس بعدت عشان اصون كرامتي والمشاكل مكنتش مشاكلك انتي كانت مشاكل حد ثاني جمبك الله يسهله المهم عندي انك توقفي علي رجلك وتكسرى الوطن العربي كله كعادتك وانتي بالفعل كسرتي الارض ربنا يحفظك ويحفظ بناتك".

شيرين عبد الوهاب تعتذر لشقيقها: بعتك بأرخص تمن... يارتني كنت سمعت كلامك ياغالي

وكانت شيرين كتبت عبر حسابها بموقع X: ""في ناس كتير مش عارفين سبب الزعل مع اخويا، عشان في يوم خيرني بينه وبين اللي كنت متزواجه، ولأن ربنا أمر الزوجة بطاعة زوجها فأنا قررت إني أرضي ربنا، بس انت صح وانا اسفة علي كل حاجة قلتها ليا وانا معملتش بيها لاني بعتك بأرخص تمن، يارتني كنت سمعت كلامك يا غالي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

يذكر أن شيرين وشقيقها محمد عبد الوهاب في خلافات منذ سنوات، ظهرت للنور بعدما حاول إبعادها بالقوة عن طليقها حسام حبيب ووضعها في مستشفى للعلاج، وخرجت هي وحسام حبيب يتهموه بضربها في محاضر رسمية، وبعدها تنازلت عنها مشيرة إلى أنها لن تسجن شقيقها وتكسر قلب والدتها.

وبعدها اتهم حسام حبيب شقيق شيرين بسرقة حساباتها بمواقع التواصل الاجتماعي والتعاون مع شركة للسيطرة على حسابات شيرين، وكانت شيرين عبد الوهاب قالت في تسجيل أذاعه برنامج "الحكاية"، من تقديم الإعلامي عمرو أديب عبر قناة MBC مصر: "فوجئت باللي حصل على السوشيال ميديا بين محمد عبد الوهاب وحسام حبيب، وحبيت أكد إن كلام حسام مضبوط جدا، وأخويا فعلا باعني، والتصريح اللي نزل دا نزل من المحامي محمد شاعر المستولي على السوشيال ميديا بتاعتي، وبتوكيل أنا كنت عاملاه له قديم مضى له ورقة أو عقد تملكه من حساباتي، وموقعين بتاريخ قديم، كل كلام حسام حبيب مضبوط، وماتصدقوش أي حاجة من كلام محمد عبد الوهاب".