وجهت مقدمة البرامج بسمة وهبة رسالة لمتابعيها تعترض فيها على رفضهم وسبهم للطرق الصوفية في التعبد.
قالت بسمة وهبة في فيديو عبر حسابها بتطبيق Instagram: "مش بحب أدافع عن نفسي بس لما يكون الموضوع متعلق بالدين لازم أطلع أدافع، لما نزلت فيديو قلت فيه عايزة حق الشيخ جابر البغدادي كنت متخيلة إن الناس هتتعاطف بس اكتشفت عكس كده، في ناس بتشوه صورة الصوفية وإنها تبع العصر الجاهلي وإن فيهم ناس وحشة، وأنا عاوزه أقولهم عيب اللي بيتقال عن الصوفية، ده طريق تسمو فيه روحك مع ذكر الله والتوسل إلى الله ورسوله، وإحنا بنحب أي حاجه ربنا بيحبهم لأن ربنا بيعزهم وبيحبهم".
وأضافت بسمة وهبة: كنت عايشة على حبوب المهدئات والاكتئاب في فترة في حياتي ولما عيشت مع الصوفية بدأت روحي تتجلي، بذكر الله ورسوله وإحنا بننشد لسيدنا النبي بعد ما الناس غنت ليه طلع البدر علينا، وده بيخلي روحك معلقة في السماء، والصوفية طريق حلو وجميل ومش هتخسر فيه هتكسب فقط مليان ناس كلها خير ومحبة وبنتقابل في الله وحبه.
وعن استضافة بسمة وهبة لجلسات الصوفية في بيتها والانتقادات التي تعرضت لها قائلة: "فيديو صاحبتي اللي عملته كانت مصابة بالسرطان وانتشر في جسمها وكنا عاملين حلقة ذكر عشان نقويها، وكنت بستعين بالله، والسوشيال ميديا كتبوا عناوين غلط إني بقول بحق الشيخ جابر يشفى صاحبتي، وربنا لا يسامحكم لأنهم خدوا الكلام غلط ومنكم لله وأنا ما استعنتش بـ بني آدم أن يشفى صديقتي ومنكم لله عشان أنا كنت بقول حق الشيخ جابر وربنا يشفيها.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وعن علاقتها بالشيخ جابر البغدادي، قالت بسمة وهبة: "لمع كالنجم في السماء رجل محترم وشريف ومحب ومعطاء وكل الصفات الحلوة فيه، وأنا بتعلم منه وتلميذة من تلميذاته وهو بيعلمك ازاي تلجأ إلى الله وأهل بيته، مقولتش بحق الشيخ جابر خالص، فرقوا في المواضيع ومحدش يغلط في الشيوخ سواء صوفية أو غيره أو الأزهر وأنا هفديه بروحي وأي حد هيغلط في الدين أنا هبقى قليلة الأدب وهقل أدبي عليه وهمرمط بيه الأرض ودي إساءة بالغة".
يذكر أن بسمة وهبة احتفلت بزواج ابنها منذ أيام في حفل كبير في إيطاليا حضره عدد كبير من نجوم المجتمع والمشاهير.
اقرأ أيضا:
ريهام سعيد تعتذر عن استضافة "سوزي الأردنية" و"مداهم": ليه كده؟ ليه بتخلوا شكلنا كده؟
#شرطة_الموضة: هنا شيحة ببيجاما أنيقة في فعاليات مهرجان فيلم المرأة بسلا ... سعرها في متناول اليد
رسالة بالـ AI من نور الشريف لأحمد العوضي ... ماذا قال عن رد الجميل؟
إلهام صفي الدين ترفض التعليق على فرح محمود شاهين وصورة محمود حميدة: حابة اتكلم عن الفيلم
لا يفوتك: محمد هشام عبية: مين قال إن "صلة رحم" كان فيه مشهد خارج! .. هل شوه "رسالة الإمام" تاريخ مصر؟
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5