أحمد السبكي: "الملحد" مشكلته بسيطة وهيتعرض

نهال ناصر

نهال ناصر تاريخ النشر: الأحد، 15 سبتمبر، 2024 | آخر تحديث:

أحمد السبكي

أكد المنتج أحمد السبكي أن فيلمه "الملحد" سيتم عرضه ولن يتم منعه.

وقال أحمد السبكي في مداخلة هاتفية مع برنامج "حديث القاهرة" عبر قناة "القاهرة والناس": "فيلم "الملحد" بإذن الله هيتعرض ومفيش أي مشاكل، مشاكله بسيطة جدا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أحمد السبكي: "أنا نزلت فيلم لأحمد حاتم اسمه "العاشق" مكسر الدنيا وهو في الترتيب كان هينزل قبل فيلم "الملحد"، وهنزل فيلم "بضع ساعات في يوم ما" دي رواية لمحمد صادق بطولة هشام ماجد وهنا الزاهد ومي عمر وأحمد السعدني ومحمد سلام ونجوم كتير، إحنا بنحضره ينزل قبل "الملحد".

نرشح لك: غادة عبد الرازق وأحمد العوضي ومي عمر من بينهم … الصور الكاملة للنجوم في مهرجان الفضائيات العربية

فيلم الملحد

وأضاف أحمد السبكي مؤكدا أن فيلم "الملحد" حصل على كل التصريحات قائلا: "قولنا قبل كده إحنا أخدنا تصريح من دكتور خالد عبد الجليل ومعانا موافقة الرقابة على السيناريو، مفيش عمل بيبدأ تصويره من غير موافقة الرقابة على السيناريو، الرقابة حرة أنها توديه لأي جهة لو في أي حاجة فيه تخص جهة معينة، وبعد التصوير بتيجي اللجنة اللي قرأت السيناريو للمشاهدة، ودا حصل فعلا في "الملحد" وأضفنا حاجات، والدكتور خالد عبد الجليل شافه أكثر من مرة".

أحمد حاتم من فيلم الملحد

وعن سبب تأجيله بعد تحديد موعد لعرضه: "حصل شوشرة على السوشيال ميديا واللي بيقول أرفع قضية على أحمد السبكي وإبراهيم عيسى، يرفع عايزين يرفعوا قضايا على حاجة مشافوهاش عملوا شوشوة فالدكتور خالد قالي إيه رأيك نأجل الفيلم، فنزلت فيلم "عاشق" والحمد لله عامل إيرادات كويسة، وهبتدي أحدد ميعاد لفيلم "الملحد" بعد كده".

مشهد من فيلم الملحد

فيلم "الملحد" من بطولة أحمد حاتم، محمود حميدة، صابرين، شيرين رضا، تارا عماد وغيرهم ومن إخراج محمد العدل وتأليف إبراهيم عيسى.