حكت الإعلامية أميرة عبد العظيم عن سبب تركها لمهنة "مضيفة الطيران" واتجاهها للإعلام بعد سنوات طويلة.
وكشفت أميرة عبد العظيم عن حادث تعرضت له كان سببا في اتخاذها القرار والاتجاه إلى التقديم التليفزيوني.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وقالت أميرة عبد العظيم خلال لقائها في برنامج "الستات" مع سهير جودة عبر قناة "النهار": "النقلة من مضيفة طيران لمذيعة مكنتش مترتبة، لكن دي كانت أمنية والدي الله يرحمه إني اشتغل في التليفزيون لكن محصلش، أول ما اتخرجت كان المتاح إني اشتغل في الطيران وأنا كنت حابه الشغل، لكن بعد سنين طويلة تعبت وكنت حاسه إني عايزة أغير".
نرشح لك: غادة عبد الرازق تستعرض تفاصيل إطلالتها في حفل "دير جيست" 2024
وتابعت أميرة عبد العظيم: "تعرضت لحادث، كنت مسافرة رحلة طويلة لإيطاليا رايح جاي، في اليوم دا قررت أروح بعربيتي، كان المفروض إني بروح بالعربية بتاعة الشغل بس بيبقى فيها ساعتين زيادة، أنا قلت أروح بعربيتي عشان أرجع بسرعة، يشاء القدر وأنا راجعة بالليل الساعة 3 الفجر من المطار، كنت مرهقة جدا عملت حادثة في صلاح سالم كنت أنا اللي سايقة".
أكملت أميرة عبد العظيم: "نمت وأنا سايقة وطلعت فوق الرصيف كانت حادثة جامدة جدا أثرت على رجلي وعملت عملية كبيرة، في الوقت ده حسيت إن ربنا بيقولي كفاية، كنت قعدت 8 أو 9 سنين مضيفة للطيران، أنا كان ممكن بعد ما عملت العملية إني أكمل بس حسيت أن ربنا بيقولي لأ، فكرت هعمل إيه وافتكرت أمنية والدي إني اشتغل في التليفزيون وبدأت محاولاتي".
وتعد الإعلامية أميرة عبد العظيم من أشهر مذيعات ماسبيرو قدمت العديد من البرامج منها "نجم على الهواء" و"ليلتي" و"البيت بيتك".
اقرا أيضا:
كمال أبو رية: فكرت أغني قبل التمثيل ومنعني الخجل
وفاة نجم Star Wars جيمس إيرل جونز عن عمر يناهز 93 عامًا
ريهام عبد الغفور تكشف سبب اعتذارها عن عدم المشاركة في مسلسل منى زكي الجديد
لا يفوتك: محمد هشام عبية: مين قال إن "صلة رحم" كان فيه مشهد خارج! .. هل شوه "رسالة الإمام" تاريخ مصر؟
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5