تامر حسني يرد على محمد سامي: خلتني أدمع يا سمسم

نهال ناصر

نهال ناصر تاريخ النشر: الثلاثاء، 3 سبتمبر، 2024 | آخر تحديث:

تامر حسني ومحمد سامي

رد الفنان تامر حسني على رسالة الفنان محمد سامي له وتذكره ما فعله معه في بداية مشواره مع الإخراج وتعاونهما في مسلسل "آدم".

وكتب تامر حسني تعليقا على منشور محمد سامي: "يا سامي يا حبيبي يا ابن الناس الطيبين شكرا من كل قلبي على كل حرف خارج من قلبك كتبته في حقي، خلتني أدمع يا سمسم ، أولا أنا صدقت موهبتك من وانت صغير سنا لإنك فعلا موهوب موهبه مش عادية وتاريخ نجاحاتك يشهد بكده، كنت عارف وأنا بقدمك إني بقدم مكسب حقيقي للصناعة ومن يوم ما سجلت رقمك على تليفوني وهو مكتوب سامي ابني، عشان كان إصراري على تقديمك كان بقلب أب مش صديق من سنك أب مصدق في ابنه وعارف إن الناس مش هيدوله فرصة يطلع عشان سنه صغير".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

محمد سامي وتامر حسني

وتابع تامر حسني: "الحمدلله برحلتك ورحلتي أثبتنا للدنيا إنها مش بالسن لأ !!!!… بالمجهود والتعب والشطارة والمذاكرة وانت كل الصفات دي كانت فيك وأنا لوحدي اللي عارف، عشان كده صممت إن الدنيا كلها تعرف معايا حجم موهبتك الحقيقي، حتى أعمالي اللي من إخراجك ليها مكانة خاصة في قلوب الناس".

نرشح لك: محمد سامي يتذكر تشجيع تامر حسني له: دعمتني من أول لحظة ... وأشهد أمام الله إنك طول عمرك متواضع ومؤدب

تامر حسني ومحمد سامي

وأكمل تامر حسني: "مسلسل آدم، فيلم أهواك، فيلم تصبح على خير
ولسه إن شاء الله نجاحات جايه مستنيانا مع بعض، ربنا يوفقك يا حبيبي في كل شغلك اللي جاي وتكسر الدنيا وفي القمة زي عادتك، يا محمد شكرا تاني على البوست الصادق ده شكرا يا أصيل يا محترم، ربنا يخلينا دايما لبعض ضهر وسند".

رد تامر حسني على محمد سامي

وكان محمد سامي نشر صورة قديمة له مع تامر حسني وتذكر كيف وقف بجانبه في بداياته وتمسك به لإخراج مسلسل "آدم".

يشار إلى أن تامر حسني ينشغل في تصوير أحدث أفلامه "ري ستارت" مع هنا الزاهد، باسم سمرة، محمد ثروت، وغيرهم، والفيلم من تأليف أيمن بهجت قمر، وإخراج سارة وفيق.