إيناس الدغيدي: سعاد حسني انتحرت وكنا متوقعين ده

نهال ناصر

نهال ناصر تاريخ النشر: السبت، 31 أغسطس، 2024 | آخر تحديث:

إيناس الدغيدي وسعاد حسني

تحدثت المخرجة إيناس الدغيدي عن الفنانة الراحلة سعاد حسني وقالت إنها ترى أنها انتحرت ولم تقتل كما يقول البعض.

وقالت إيناس الدغيدي خلال لقائها في برنامج "القرار" من تقديم نادية الزعبي عبر قناة "الغد": "سعاد حسني انتحرت وأنا ضد مقولة أن حد يقتلها لأنها كانت شخصية جميلة من جوا، سعاد حسني من كتر الضغط والعمل في الفن كانت بتاخد مهدئات من وهي عندها 44 سنة، أنا فاكرة وقت فيلم "حب في الزنزانة" أنا كنت مساعدة مخرج، فهي كانت بتاخد على طول مهدئات، بالوقت المهدئات دي توديكي للانتحار".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

سعاد حسني

وتابعت إيناس الدغيدي: "سعاد حسني انتحرت لأن العمر كله بتاخد مهدئات لما بتشوف نفسها أن هي مبقتش نجمة وأن شكلها اتغير والمرض عمل فيها كده تنتحر، قصة القتل أنا ضدها إحنا كنا دايما بنتنبأ أن في 2 هينتحروا سعاد حسني وأحمد زكي لأنهم فنانين أوي وبوهيمين عايشين الحياة بلا تخطيط ومزاجيين جدا، أحمد زكي الوقت مأسعفهوش ومات، سعاد حسني اتحققت النبؤة بتاعتنا في الوسط السينمائي وانتحرت".

نرشح لك: #شرطة_الموضة: هيفاء وهبي بفستان شفاف في مراسي ... حقيبتها تخطف الأنظار بـ 80 ألف جنيه

سعاد حسني

وخلال اللقاء كشفت إيناس الدغيدي عن رأيها في ظاهرة التحرش.

إيناس الدغيدي

وقالت إيناس الدغيدي: "أنا مش عارفة يعني إيه التحرش، التحرش السبب فيه الست، بحمل الست المسئولية لما أقول أنا حد اتحرش بيا هيتحرش بيا ليه؟ لو هو مريض هياخد بالقلم ومش هيكمل، في ستات بيلعبوا لعبة ويقولوا تحرش أنا مش مع أن التحرش بيجي من الراجل الست في جزء من تصرفاتها تخلي الراجل يتحرش بيها".