أكدت النجمة شيرين عبد الوهاب أن عقدها مع شركة "روتانا" كان في حكم المفسوخ، بسبب عدم قيام الشركة بعمل الدعاية اللازمة لأعمالها الغنائية.
وقالت شيرين عبد الوهاب في مداخلة هاتفية مع برنامج "الحكاية"، الذي يقدمه الإعلامي عمرو أديب عبر قناة MBC مصر: "أول حاجة أخلوا بها في العقد، ويعتبر العقد فاسخ نفسه هو عدم عمل الدعاية، وحد فيهم يقدم ورقة يقول إنه دفع 5 جنيه في دعاية أو عمل لافتة بحجم المطربة دي، وأنا مسلمة في جائحة كورونا أغنية اسمها مش أد الهوى".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وأكدت شيرين رفضها العودة للتعاون مع روتانا بقولها: "ده رزقي ورزق عيالي مش هديه لحد، مش كفاية خدوا مني 8 مليون جنيه يالغلط، دي فلوس عيالي".
تحدثت شيرين خلال المداخلة عن مؤامرة ضدها قائلة: "في مؤامرة إني أقعد في البيت، وأنا كنت ساكتة وقاعدة زي خيبتها، لكن صوتي مش هيتقطع أبدا، وهفضل راكبة القطر بتاعي ومفيش حد هيعرف يوقفه".
طالع أيضا - جمهور هيفاء وهبي يتجمهر حولها لالتقاط الصور في الساحل الشمالي
وأضافت: "أناشد القضاء المصري زي ما حكم لهم بالغلط ياخدوا مني 8 مليون جنيه بالسرعة دي أنا كمان القضايا اللي رفعتها يتحكم فيها بسرعة لأن ليا حق".
وتابعت ساخرة: "مش عارفة اتحكم لهم إزاي بـ 8 مليون جنيه والمحامي بتاعي موجود، لكن أنا فلوسي كتير، خليني أفنجر عليهم مفيش مشكلة".
وأكدت شيرين أنها ترفض العمل تحت مبدأ الاحتكار الفني قائلة: "أنا ماضية دلوقتي مع شركة ربنا، هو اللي منجحني ومش محتاجة شركات، ومبسوطة كده آخر انبساط".
وأكملت: "مش هبقى حكر لحد تاني أنا كبرت عن كده أوي، ومن 16 سنة دفعت لأستاذ نصر محروس 3 ونص مليون جنيه مع إني كنت عاملة نص عقدي، وإديتهم الشرط الجزائي وروحت روتانا، دلوقتي الكل يلزم حدوده ومحدش يجيب سيرتي، أنا فنانة كبير أوي".
اقرأ أيضا:
مقتل الفنان العراقي براق المهنا على يد شقيق زوجته
أحمد سعد يرد على انتقادات "سعودي وأسمر": لو بصيت لعلم السعودية عينك هتبقى خضراء
لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5