كشفت الفنانة ميرنا وليد سبب غيابها لفترة طويلة وعدم مشاركتها في أعمال كثيرة بعد كل عمل تقدمه.

وقالت ميرنا وليد خلال لقائها في برنامج "من العلمين" عبر قناة ON: "كل عمل بيبقى بظروفة يعني "ذئاب الجبل" بعده على طول دخلت معهد السينما قسم إخراج، درست إخراج فبعدت عن التمثيل تماما، رغم أن الفترة دي كان لازم استغلها في التمثيل لكن لما بتاخدي قرارات مصيرية في السن الصغير مش دا السن الصح اللي تاخدي فيه قرار في حياتك العملية".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت ميرنا وليد: "بعدها عملت مسلسل "قاسم أمين" وفي الوقت ده كان في حرب في العراق وسياسيا الناس مكنتش مهتمة، بعدها عملت مسلسل "قصة الأمس" واتجوزت وبقيت حامل في بنتي "مريم" وبعدها حامل في بنتي "مايا" وبعدها الثورة".

نرشح لك: أنغام تسأل توو ليت: هو انت مين؟ ويرد: نتقابل في الاستوديو لو عايزة تعرفي

وأضافت ميرنا وليد متحدثة عن الأعمال التي عرضت عليها الفترة الماضية ولم تنل إعجابها: "المشكلة أن بعد ما تعملي عمل حلو أوي بيجيلك كمية أعمال كتيرة لكن بيكون في حاجات بيصعب عليكي أن تقبليها، مكنش ينفع أعمل أي حاجة بعد "قصة الأمس" واستنيت يجيلي حاجة كويسة سنين لحد ما جالي "قيد عائلي" وهو كان عمل هايل ودوري كان جديد، المشكلة لما بتعملي عمل قوي بشيل هم بعده هعمل إيه، ولما بيجيلي أي حاجة بتصعب عليا نفسي ونجاحي".

وأكدت ميرنا وليد أنها لا تخاف من نسيان الجمهور لها قائلة: "مش بخاف إني أبعد عن الجمهور لأن الناس عودتني أن مهما بعدت بلاقيهم بيتعاملوا معايا إني موجودة، كمان الأعمال الكويسة بتتعرض على طول، مثلا "قصة الأمس" بقاله سنين لكن مفيش كل 3 شهور قناة ما بتعرضه و"ذئاب الجبل" لحد النهاردة بيتعرض".

يذكر أن آخر أعمال ميرنا وليد مسلسل "قيد عائلي" وشارك في بطولته كل من عزت العلايلي، بوسي، ميرفت أمين، صلاح عبد الله، سيمون، وهالة فاخر، ونضال الشافعي، ومنة فضالي، ودينا فؤاد، ميرهان حسين، محمد نجاتي، سيناريو وحوار محمد رجاء وميشيل نبيل، وإخراج تامر حمزة، وإنتاج ريمون مقار ومحمد محمود عبد العزيز.

اقرا أيضا:

أحمد صيام: ريهام حجاج مش بتكره ياسمين صبري

محمد رمضان يتعرض لموجة انتقادات عقب طرح إعلانه الأخير لمشروب يدخل ضمن حملات المقاطعة

حسن الرداد عن قصة حبه لـ إيمي سمير غانم: 3 صدف جمعتنا قبل ما أعرفها

"رقص" جومانا مراد وليلى علوي و"مرجيحة" فيفي عبده وإلهام شاهين وسهرات النجمات بالأبيض … ليالي النجوم في أغسطس الساحل الشمالي

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5