تحدث الفنان حسن الرداد عن علاقته بزوجته إيمي سمير غانم وكيف بدأت قصة حبهما.
وقال حسن الرداد في لقاء ببرنامج "حد النجوم" من تقديم ريهام السهلي عبر قناة dmc عن علاقته بزوجته: "إيمي دمها خفيف جدا وهي مش بتكون قاصده أنها تهزر أنا بحس أنها سمير غانم الصغير، وأنا شخصيتي بحب الحركة والموسيقى تبقى بصوت عالي وأسوق العربية بسرعة وفي البيت أرقص وأهزر هي عكسي بتحب تمشي بالراحة وصمت في العربية ومن هنا بيبقى في مواقف كتيرة بينا".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وعن بداية تعارفه على إيمي سمير غانم وقصة حبهما قال حسن الرداد: "أنا في 2009 كنت بعمل مسلسل "ابن الأرندلي" وكانت أمي في المسلسل هي الفنانة دلال عبد العزيز، وقت تصوير المسلسل والدتها توفت ورحت أعزي وقابلت إيمي ودنيا وسلمت عليهم مكنتش أعرفهم قبلها، وبعد كده حصل 3 صدف قابلت إيمي مرة ماشي بالعربية في وسط البلد بالليل والدنيا فاضية ولمحتها، ومرة تانية داخل المسرح وهي خارجة منه، وتالت مرة أنا داخل المعهد عندي محاضرات وهي بتصور مسلسل، متكلمناش لكن الصدف دي حسيت أن هيكون في بينا حاجة مع أننا متكلمناش، لغاية لما رحت العزاء بدأنا نبقى أصحاب وشلة كبيرة وبدأنا نقرب من بعض وأنا بحب الضحك جدا وبحب الناس اللي تقعد وتضحك ولقيت دمها خفيف وروحها حلوة وبدأنا نقرب لبعض، مقدرش أقول في توقيت معين أن هو دا الحب، لكن في توقيت معين حسيت إننا منسجمين جدا وأن مينفعش نكون بعيد عن بعض".
نرشح لك: شيرين عبد الوهاب ترد على هيفاء وهبي بعد دعمها لها: أثبتت أنها صديق وفي واشترتني طول عمري
وعبر حسن الرداد عن سعادته بتعاونه مع إيمي سمير غانم في مسرحية "التليفزيون" التي عرضها ضمن فعاليات الدورة الثانية من مهرجان العلمين الجديدة وقال: "أنا بعشق المسرح وحالة الفنانين سوا وهما بيشتغلوا بتكون مختلفة عن الفيلم أو المسلسل لأنهم بيعيشوا سوا فترة على خشبة المسرح، المسرح حالته حلوة وأنا وإيمي الكيميا بينا كبيرة جدا وبرتاح في الشغل معاها وأعتقد هي كمان نفس الموضوع ودا بينعكس أن الشغل بيكون حلو".
ومسرحية "التلفزيون" أول مسرحية تجمع بين حسن الرداد وزوجته إيمي سمير غانم، وسبق عرضها في موسم الرياض.
تدور أحداث المسرحية حول زوجين يصلهما طرد سحري يجدان نفسهما بداخله، يتنقلان بين قنواته وتفاصيله، ويتحكم في حياتهما طفل صغير.
مسرحية "التليفزيون" بطولة إيمي سمير غانم وحسن الرداد وأوس أوس وبدرية طلبة ومحمود حافظ وسليمان عيد.
اقرأ أيضا:
تنبؤ بحكم الحبس أم صيحة استغاثة من السجن؟ عصام صاصا يشكو من الظلم في "الدنيا قاسية"
#شرطة_الموضة: تعديلات أصالة على فستان حفلها في ختام قرطاج … هذه الفنانة سبقتها في ارتدائه
أحمد العوضي يغير اسم مسلسله لرمضان 2025 من "الملك" إلى "فهد البطل" بسبب حقوق الملكية الفكرية
رقص جومانا مراد على أغنية "روح" لـ مصطفى حجاج في حفل بالساحل الشمالي (فيديو)
لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5