نهى عابدين: معنديش مشكلة مع زيادة وزني وأرفض فكرة تصنيف الأدوار

نهال ناصر

نهال ناصر تاريخ النشر: الاثنين، 12 أغسطس، 2024 | آخر تحديث:

نهى عابدين

أكدت الفنانة نهى عابدين أنها لا تهتم بفكرة زيادة وزنها فهي تحب شكلها ومقتنعه به.

وقالت نهى عابدين خلال لقائها في برنامج "حد النجوم" من تقديم سالي عبد السلام عبر "القناة الأولى": "لما طلعت قلت أن الفنان يحيى الفخراني نصحني أني أخس لأني معنديش مشكلة في الموضوع وهو معاه حق، الممثلة لازم تحافظ على جسمها ووزنها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

نهى عابدين من برنامج حد النجوم

وتابعت نهى عابدين: "أنا بتخن وبخس، أنا دلوقتي وزني زايد ومعنديش مشكلة ومتصالحة مع نفسي، ممكن اتضايق لو حد بحبه وقالي إني تخنت، لكن لو حد معرفوش عادي، ساعات حد ممكن يقولي على حاجة فيا لأن كلنا فينا عيوب، لو حد قالي على عيب أنا ممكن أبقى عنيده وأظهره أكتر".

نرشح لك: أحمد فهمي وهيثم شاكر ومحمد جمعة وأحمد الشامي من بينهم ... النجوم في عزاء والد أحمد صلاح حسني

نهى عابدين

وكشفت نهى عابدين عن رأيها في تقديم أدوار الإغراء وقالت: "إيه هي أدوار الإغراء أنا مش بحب التصنيف أنا ست ممثلة، اسمها أنواع تمثيل، أنا بشتغل ممثلة وبني آدمة ممكن في أدوار أقدر أعملها وأدوار مقدرش أعملها، أطلع بقى اشتم في الأدوار اللي مقدرش أعملها وأزايد على زمايلي اللي بيعملوها دي قدرات نفسية ما يمكن أنا اللي معنديش الإمكانيات، أنا ممثلة المخرج بيختارني".

نهى عابدين

وكشفت نهى عابدين عن الأدوار التي ترفضها قائلة: الدور اللي اعترض عليه أن أكرر نفسي أو الاقي دور مش هيضيف ليا فنيا أكون عملت رصيد فني ويتعرض دور أحس أنه هيقللني".

يشار إلى أن نهى عابدين يعرض لها مسلسل "مفترق طرق" عبر منصة "شاهد vip".

مسلسل "مفترق طرق" من بطولة هند صبري، إياد نصار، ماجد المصري، جومانا مراد، هدى المفتي، نهى عابدين وعلي الطيب إلى جانب عدد من الفنانين الذين يظهروا ضيوف للحلقات، يقدم النسخة العربية السيناريست شريف بدر الدين، ويتولى الإخراج أحمد خالد موسى.