والد حسام حبيب: شيرين عبد الوهاب محتاجة راجل

مي جودة

مي جودة تاريخ النشر: الجمعة، 9 أغسطس، 2024 | آخر تحديث: الجمعة، 9 أغسطس، 2024

شيرين عبد الوهاب

علق حسين حبيب والد الفنان حسام حبيب على أزمة ابنه مع طليقته النجمة شيرين عبد الوهاب.

كتب حسين حبيب عبر حسابه بموقع Facebook: "عملت نفسي لها سجادة، شيرين مش محتاجة سجادة، محتاجة راجل وهياخد عشرة مليون عشان يمسك ايدي، بس".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

والد حسام حبيب

وجاءت تصريحات حسين حبيب تعليقا على تصريحات ابنه الذي أكد أنه ضحى بكرامته من أجل شيرين عبد الوهاب، وتصريحاتها بأنه لم يدير لها أعمالها أو يساعدها في أي أمور سوى مساعدتها على صعود سلم المسرح، ومقابل هذا طالبها بـ200 ألف دولار أي ما يعادل 10 مليون جنيه.

يشار إلى أنه منذ أيام تصاهدت أزمة شيرين عبد الوهاب مع طليقها المطرب حسام حبيب، إذ اتهمته بتهديدها وإجبارها على العودة له وسرقة أموال من خزنة منزلها.

وأضافت شيرين عبد الوهاب: شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا.

ألبوم أزمات شيرين عبد الوهاب وحسام حبيب

وتابعت: أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي.

وفي تصريحات لـ ET بالعربي، رد حسام حبيب: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".