تحدثت النجمة هنا الزاهد عن خلاصة تجربة طلاقها من النجم أحمد فهمي، ودروسها التي استفادت بها من هذه التجربة.
قالت هنا الزاهد: "أنا بالنسبة لي الجواز، مقدرش أتخيل حاجة فيه اسمها طلاق، عمري ما أتخيلها، أنا حساسة جدا، ولو كان الطلاق تم بشكل فوجائي كنت هتعب، لكن ربنا مهدها لي بـ8 شهور، أنا شخص روتيني، لا أحب تغيير نمط حياتي، ماينفعش الحياة مرة واحدة تختلف، ولو رجع بي الزمن، مش هقول لأ، هدخل التجربة دي واتعلم منها"، وذلك حسب لقائها في برنامج "صاحبة السعادة".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابعت هنا الزاهد: رسمت عن الزواج صورة مثالية وفراشات وأسرة وأبناء، أنا أحب الأطفال جدا، بس الواقع مكنش كدة خالص، الواقع كان عكس ما توقعته وحلمت به، وفي الآخر قسمة ونصيب، الحياة كلها صعود وهبوط ومش أي حد تصدقيه ومش أي حد تدخليه بيتك، ماتبقيش ماشية بعبط، عشان دايما بحس إن اللي قدامي هيتصرف زيي، لحد ما يثبت العكس، وكنت بحكي أوي عن اللي بيحصل بحسن نية، بس اللي قدامي مكنش كدة.
وأضافت هنا الزاهد: واكتشفت إن الجواز مش راجل وست بس، دي عيلة، بعد كدة بقيت أفكر أنا بعد كدة أبص للعيلة، مافيش حاجة لوحدك، في اتنين بيحبوا يقفلوا الدنيا على بعض وفي ناس بيخلوها سداح مداح، أنا بحب الدنيا تبقى متقفلة، أه طبعا لما يبقى في حد في حياتي هحترم أهله أوي، بس ما يبقاش التدخلات زيادة، أحب البيت يبقى مقفول علينا.
يذكر أن هنا الزاهد أعلنت انفصالها عن زوجها السابق الفنان أحمد فهمي في نوفمبر من العام الماضي، بعد زواج استمر 4 سنوات.
وكتبت هنا الزاهد عبر صفحتها على Instagram: "الحمد الله تم الانفصال بينين وبين أحمد بعد 4 سنين جواز وربنا يكتب لكل واحد فينا الخير".
يذكر أن هنا الزاهد أعلنت عن خوضها موسم رمضان 2025 من خلال مسلسل يحمل اسم "الزواج سم قاتل"، مع المخرجة ياسمين أحمد كامل وإنتاج محمد السعدي، ويتكون من 30 حلقة.
وقالت هنا الزاهد في تصريحات لبرنامج ET بالعربي: "أنا متحمسة أوي إني هشتغل مع ياسمين عجبني مسلسلها "أعلى نسبة مشاهدة" هي شاطرة جدا وكل الناس اللي في المسلسل كانوا شاطرين".
وإلى جانب مسلسلها لرمضان 2025، انتهت هنا الزاهد قبل أشهر من تصوير مسلسل "إقامة جبرية"، الذي لا تعرف حتى الآن موعد عرضه، وتحدثت عن المسلسل قائلة: "مسلسل غامق جدا ودراما وسايكو وفيه جرايم مسلسل صعب وشخصيتي صعبة وحقيقية أنا بحب الحاجات دي جدا بحب الدراما أكتر".
على جانب آخر، تواصل هنا الزاهد تصوير فيلمها الجديد "ري ستارت" الذي تتعاون فيه مع الفنان تامر حسني.
اقرأ أيضا:
مروة صبري: ارحموا هدير عبد الرازق ... الشخص اللي معاها في الفيديو كان جوزها
4 أحداث إعلامية في 3 أيام … وعكة صحية وعملية جراحية ووقف برنامج وانتهاء تعاقد
مسلم يعلن فسخ خطوبته: خسرت كتير قوي من حياتي ووقتي
لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5