كندة علوش تكشف تفاصيل مكالمتها مع محمد صلاح بعد إصابتها بسرطان الثدي

مي جودة

مي جودة تاريخ النشر: الأحد، 23 يونيو، 2024 | آخر تحديث:

كندة علوش ومحمد صلاح

كشفت النجمة كندة علوش عن مكالمة خاصة جاءتها من اللاعب المصري المحترف في صفوف ليفربول محمد صلاح، ليطمئن عليها خلال رحلة علاجها من سرطان الثدي.

قالت كندة علوش: "أنا مش عارفة هو عايزني أقولها في الإعلام ولا لأ، بس أنا مش هستشيره لازم أقولها عشان دي حاجة أنا سعيدة بيها جدا، عمرو يوسف كان قاعد وجاله مكالمة أثناء فترة مرضي، ولقيته بيقول (آه أزيك، آه طبعا إيه دا، حبيبي لا أنت حبيبي، يا محمد، آه هي كويسة)، ولقيته متحمس أوي، وانا كنت مع العيال فكنت مش رامية ودن أوي، فبعد ما قفل بقول له (مين يا حبيبي)، قال لي (محمد صلاح)، قولت له (مين محمد صلاح)، قال لي (محمد صلاح)، قولت له (محمد صلاح مو صلاح؟)، قال لي (آه، عرف من أصدقاء مشتركين، إنك تعبانة، وجاب نمرتي)".

كندة علوش

وتابعت كندة علوش: إحنا من كبار محبيه، بس مكنتش في تواصل بينا، جاب النمرة واتصل بعمرو، وقال له أنا سمعت ومهنش علي، وعايز اقول لك ان بيتي موجود، عايزين تيجوا تكشفوا في لندن، عايزين تبعتوا لي الورق وأنا اخده عند دكاترة هنا، وقولت له (يا عمرو أنا مش مصدقة، إيه اللذاذة والحلاوة دي).

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت كندة علوش: وبعدها بفترة لقيت عمرو بيتكلم بنفس الحماسة وبينده لي، وأنا بمسك التليفون قال لي "محمد صلاح"، قال لي "طمنيني"، قولت له "أنا كويسة أوي كويسة جدا، ومبسوطة اني بسمع صوتك"، هو كان متفاجيء من نبرة صوتي، وقال لي "لكِ عائلة وبيت، ولو عزتي أي حاجة، وطمنيني وعايز اطمن عليكِ تاني واسمحي لي"، قولت له "أنت عارف معزتك ايه"، هو إنسان حقيقي وبسيط ودور على نمرة ناس مايعرفهمش.

محمد صلاح

وكانت كندة علوش أعلنت إصابتها بسرطان الثدي بعد إنجابها لابنها الثاني كريم بتسعة أشهر.