تامر عاشور يدافع عن أسرة شيرين عبد الوهاب: يارب يبعد عنها كل خبيث وفاشل وممثل

نهال ناصر

نهال ناصر تاريخ النشر: السبت، 22 يونيو، 2024 | آخر تحديث:

تامر عاشور وشيرين عبد الوهاب وشقيقها

دافع الفنان تامر عاشور عن أسرة الفنانة شيرين عبد الوهاب، وكشف عن رأيه في أزمة تسجيلات صوتية مسربة لزوجها السابق الفنان حسام حبيب قال فيها إن أسرتها سبب خلافها مع شركة روتانا.

وكتب تامر عاشور عبر حسابه على موقع X: "كل اللي أقدر أقوله في موضوع شيرين عبد الوهاب إن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع تامر عاشور: "أنا برضه أقولها إني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل، يارب يبعد عنها كل خبيث وأناني وفاشل وممثل".

نرشح لك: شقيق شيرين عبد الوهاب يرد على تسريبات حسام حبيب: سيتم اللجوء للقضاء وصاحب التسجيل الصوتي يتعمد تناول الشأن الداخلي لأسرتنا لدوافع مغرضة

تامر عاشور يدافع عن أسرة شيرين عبد الوهاب

وأكمل تامر عاشور: "هي أطيب منهم كلهم وهم اللي وقعوها فكل مشاكلها "إنت بمن حولك " لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة."

تامر عاشور

واختتم تامر عاشور كلامه: "أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة … أهل شيرين هم هم أهل شيرين من زمان قوي .. بالعقل".

وكان حسام حبيب يتحدث في المحادثات الصوتية المسربة عن أسرة طليقته شيرين عبد الوهاب، مشيرا إلى أنهم آذوها وهم سبب خلافها مع شركة روتانا.

حسام حبيب وشيرين عبد الوهاب

يذكر أن حسام وشيرين ارتبطا في أبريل 2018، وشهدت الحياة بينهما العديد من الخلافات، وانفصلا ثم عادا مرة ثانية في نوفمبر 2022، ثم انفصلا آخر مرة في ديسمبر 2023، ليتم إعلان ارتباط شيرين مؤخرا برجل آخر.