رد الفنان حسام حبيب على المقاطع الصوتية التي انتشرت له في الساعات الأخيرة عبر مواقع التواصل الاجتماعي، وهو يتحدث عن أسرة طليقته شيرين عبد الوهاب، مشيرا إلى أنهم آذوها وهم سبب خلافها مع شركة روتانا.
قال حسام حبيب: "أولا (الفويسات) دي أنا مصرحتش بيها، دي حاجات متسربة ومتاخدة من تليفوني، وأنا هقدم بلاغ ضد اللي عمل كدة، لأن دي مصرحتش بيها لحد، ولا للصحافة، ودي جريمة يعاقب عليها القانون، وأي حد هينشر كلام أنا مصرحتش بيه هتقدم ضده ببلاغ وأنا بحذر أي حد هيستخدم الحاجات دي"، حسب تصريحاته لبرنامج "ET بالعربي".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابع: ثانيا، محتوى الموضوع أن أخوها مضى توكيل بأثر رجعي، إنه يتنازل عن مواقع التواصل الخاصة بشيرين عبد الوهاب دون علمها، دا كلام مقدم في بلاغ عن طريق الأستاذ ياسر قنطوش للنائب العام، وتقدروا تتحققوا من الكلام دا، أنا مابقولش كلام مرسل، ولا اتهامات مش موجودة، أنا بقول اتهام شيرين مقدمة بيه ببلاغ عن طريق محاميها.
واستكمل حسام حبيب: اعتقد إن الناس بدل ما تهاجم المفروض تبدأ تفهم مين السبب في إن شيرين مش عارفة تتواصل مع جمهورها ولا عارفة تنزل أغاني جديدة وهما اللي تسببوا في مشاكل كبيرة جدا بينها وبين شركة الإنتاج بتاعتها، والناس المفروض تفهم ليه شيرين متعطلة وليه مش عارفة تنزل حاجة.
وأضاف حسام حبيب: سبحان الله أنا مقصدش إني أقول أي حاجة لأي حد، ولا أصرح على لسان شيرين بالكلام ده، أنا بتكلم مع حد في محادثة خاصة على تليفوني، وأي حد ياخدها ويسربها ده شيء غير أخلاقي، وأي حد يتداوله هيبقى بيعمل نفس الجريمة، إنما المحتوى سليم مقدم به بلاغات للنائب العام والنيابة العامة، ومش هسمح ولا الجمهور ولا المواقع تتكلم عني.
يذكر أن حسام وشيرين ارتبطا في إبريل 2018، وشهدت الحياة بينهما العديد من الخلافات، وانفصلا ثم عادا مرة ثانية في نوفمبر 2022، ثم انفصلا آخر مرة في ديسمبر 2023، ليتم إعلان ارتباط شيرين مؤخرا برجل آخر.
اقرأ أيضا:
#شرطة_الموضة: أنغام بفستان فوشيا ضيق يبرز عيوب قوامها في حفلها بالكويت
#شرطة_الموضة: عمرو دياب بإطلالة بيضاء في حفله ببيروت ... سعر الإطلالة يتجاوز 11 مليون جنيه
مي سليم تعود للغناء بعد غياب في حفل عيد الأضحى
لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5