قضت محكمة جنايات شمال الجيزة، بحبس الفنان أحمد جلال عبد القوي، بالسجن لمدة عام مع الأشغال الشاقة وغرامة قدرها 10 آلاف جنيه، لاتهامه بحيازة مخدرات الأفيون، الأمفيتامين، المورفين، والترامادول بقصد التعاطي.
تعود الواقعة إلى 8 مايو 2023، عندما تم القبض على أحمد جلال عبد القوي في قسم العجورة، وكان بحوزته مواد مخدرة من بيمها الأفيون والأمفيتامين والمورفين والترامادول بقصد التعاطي، وأضاف أمر الإحالة أنه حاز أيضًا عقار خاضع لبعض قيود الجواهر المخدرة وهو البنزوديازيين، بغرض التعاطي، حسب ما جاء في موقع صحيفة "الأهرام".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
يذكر أن أحمد جلال عبد القوي هو ابن السيناريست والكاتب الشهير محمد جلال عبد القوي، وشارك في بداية مشواره الفني مع الراحل نور الشريف في مسلسل "حضرة المتهم أبي".
وتحدث أحمد جلال عبد القوي مؤخرا عن رحلته مع الإدمان، قائلا: "أنا عملت عملية في ضهري ركبت 3 فقرات وهي كانت عملية كبيرة، وأنا بعمل العملية كنت ماضي على إقرار إن ممكن ممشيش تاني على رجلي، لما عملت العملية كان في أدوية مسكنة باخدها هي "مخدر" ودا كان العلاج الوحيد اللي ينفع"، وذلك حسب تصريحاته في "كلام الناس" الذي تقدمه ياسمين عز عبر شاشة "MBC مصر".
وتابع أحمد جلال عبد القوي: "بقى عندي إساءة استخدام ليها، بعد ما كان العلاج المفروض يقف أنا موقفتش، خلاص الألم راح لكن بسبب الشعور بالسعادة والنشوة، بقى إدمان".
وأكمل أحمد جلال عبد القوي: "قعدت 4 سنين، فترة علاجي استمرت سنة وشهرين لكن بعد كدا بقى سلوك إدماني، في الفترة دي كان أي دور بيجيلي وهاخد منه فلوس كنت بعمله بس مش في مصر، قلت بلاش اشتغل في مصر عشان محرقش نفسي، اشتغلت في لبنان عملت مسلسلين وعملت مسلسل في الأردن، اشتغلت في مسلسل كويتي كان فيه مصريين، الكوايتة اللغة بتاعتهم صعبة، أنا مكنتش ببقى فاهم بيقولوا إيه لكن رحت عشان الفلوس، كنت في الفترة دي مش عايز حد حواليا كنت منعزل وقاعد في فندق".
وأضاف أحمد جلال عبد القوي: "وقتها كنت حاسس إني سعيد دا اللي بيخلي فيه استمرارية في الإدمان، بحس إني سعيد ومعنديش مشاكل، لكن اصحى تاني يوم المشاكل بتتراكم".
اقرأ أيضا:
رانيا فريد شوقي بفستانين باللون الأحمر في جلسة تصوير جديدة
هدى الإتربي بفستان أسود مخملي في جلسة تصوير جديدة - صور
أحمد خالد صالح يرد على شائعات انفصاله عن هنادي مهنا
لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5