أحمد جلال عبد القوي يحكي عن رحلته مع المخدرات: علاج تحول لإدمان

نهال ناصر

نهال ناصر تاريخ النشر: السبت، 18 مايو، 2024 | آخر تحديث:

أحمد جلال عبد القوي

حكى الفنان أحمد جلال عبد القوي عن الفترة التي أدمن فيها المخدرات وما حدث له خلال هذه الفترة.

وقال أحمد جلال عبد القوي خلال لقائه في برنامج "كلام الناس" مع ياسمين عز عبر قناة mbc مصر: "أنا عملت عملية في ضهري ركبت 3 فقرات وهي كانت عملية كبيرة، وأنا بعمل العملية كنت ماضي على إقرار إن ممكن ممشيش تاني على رجلي، لما عملت العملية كان في أدوية مسكنة باخدها هي "مخدر" ودا كان العلاج الوحيد اللي ينفع".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد جلال عبد القوي وياسمين عز

وتابع أحمد جلال عبد القوي: "بقى عندي إساءة استخدام ليها، بعد ما كان العلاج المفروض يقف أنا موقفتش، خلاص الألم راح لكن بسبب الشعور بالسعادة والنشوة، بقى إدمان".

نرشح لك: نبيلة عبيد وإلهام شاهين وتامر حسني وهنا الزاهد ... النجوم يشاركون ريم سامي فرحتها باحتفالها بزفافها

أحمد جلال عبد القوي

وأكمل أحمد جلال عبد القوي: "قعدت 4 سنين، فترة علاجي استمرت سنة وشهرين لكن بعد كدا بقى سلوك إدماني، في الفترة دي كان أي دور بيجيلي وهاخد منه فلوس كنت بعمله بس مش في مصر، قلت بلاش اشتغل في مصر عشان محرقش نفسي، اشتغلت في لبنان عملت مسلسلين وعملت مسلسل في الأردن، اشتغلت في مسلسل كويتي كان فيه مصريين، الكوايتة اللغة بتاعتهم صعبة، أنا مكنتش ببقى فاهم بيقولوا إيه لكن رحت عشان الفلوس، كنت في الفترة دي مش عايز حد حواليا كنت منعزل وقاعد في فندق".

أحمد جلال عبد القوي من كواليس حضرة المتهم أبي

وأضاف أحمد جلال عبد القوي: "وقتها كنت حاسس إني سعيد دا اللي بيخلي فيه استمرارية في الإدمان، بحس إني سعيد ومعنديش مشاكل، لكن اصحى تاني يوم المشاكل بتتراكم".

يذكر أن أحمد جلال عبد القوي هو ابن السيناريست والكاتب الشهير محمد جلال عبد القوي، وشارك في بداية مشواره الفني مع الراحل نور الشريف في مسلسل "حضرة المتهم أبي".