التقى FilFan.com مع الفنانة الشابة ياسمينا العبد للحديث عن أحدث أعمالها الفنية، منها المسلسل الرمضاني "مسار إجباري"، والمسلسل الأمريكي In Bloom.
وصرحت ياسمينا العبد عن مدى إدراكها بموضوع حلقة Period من مسلسل In Bloom التي تشارك فيها بدور "فاي"، وهي مراهقة تطلق حملة مطالبة بتوزيع فوط صحية مجانية على الفتيات.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
قالت ياسمينا العبد: "كنت عارفة ومدركة أنا بقدم ايه وبشارك في ايه وفاهمة كويس القضايا، المشكلة دي تهم أي بنت في العالم ملهاش دعوة بالثقافة".
وأضافت ياسمينا العبد: "عارفة طبعا إن في المناطق بتاعتنا مبنتكلمش عن فقر الدورة الشهرية ونقص الفوط الصحية ودايما بنسمع كلمة عيب وإن المنتجات بتتلف في 100 ألف كيس اسود واحنا بنشتريه من الصيدلية .. الموضوع مش عيب، ربنا خلقنا كدة".
وعن تفاصيل الفيلم القصير، أوضحت ياسمينا: "احنا مدخلناش في تفاصيل ملهاش لزمة، اتعمل بطريقة كوميدية ومفيش مشاهد تقيلة ومعداش ربع ساعة، وبيبقى المشاهد خارج وهو اتعلم حاجة جديدة وأهم حاجة الناس تكون فاهمة إن الست لو معندهاش الأدوات الصح مش بس ممكن يجيلها أمراض، دي ممكن كمان تموت وبتحصل كتير في حالة الحروب زي ما بيحصل في غزة دلوقتي".
تنتظر ياسمينا العبد عرض الموسم الثاني من "البحث عن علا"، حيث تلعب دور "زينة" صديقة ابنة هند صبري "علا"، ومن المقرر طرحه عبر نتفليكس لاحقا في هذا العام.
اقرأ أيضا:
أمير المصري: خسرت دور في مسلسل أجنبي بسبب دعمي لفلسطين ومش ندمان
رامز جلال لإسراء عبد الفتاح: خليني حمدي المرغني يشتغل حاجات مش عايزها عشان يكفي الشيكات اللي عليه؟
وفاة الفنانة السعودية شوق أيمن إثر حادث أليم
عبد الناصر زيدان يلجأ للقضاء بعد كسر كتفه في "رامز جاب من الآخر": سابوني في اللوكيشن ومشيوا
لا يفوتك: نيقولا معوض يتحدث لـ في الفن عن مسلسل الحشاشين ودور عمر الخيام واستخدام العامية المصرية
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5