إنتصار: اتفاجئت من رد فعل الجمهور أول يوم رمضان على "أم صابرين" في "أشغال شقة"

نهال ناصر

نهال ناصر تاريخ النشر: الثلاثاء، 19 مارس، 2024 | آخر تحديث:

إنتصار وأسماء جلال وهشام ماجد من مسلسل أشغال شقة

كشفت الفنانة إنتصار إنها فوجئت برد فعل الجمهور على شخصية "أم صابرين" التي قدمتها في مسلسل "أشغال شقة".

وقالت إنتصار خلال لقائها في برنامج "نجوم رمضان أقربلك" من تقديم إنجي علي عبر إذاعة وقناة "نجوم FM: "مسلسل أشغال شقة اتعرض منه حلقتين قبل أول يوم في رمضان، ولقيت هشام ماجد بيبعتلي يقولي إنتي عارفة إنك قالبة الدنيا على كل منصات التواصل الاجتماعي، مفيش حد مبيتكلمش عليكي إنتي مش حاسه ولا إيه؟".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

إنتصار

وتابعت: "بدأت أشوف فقولت له إنت عندك حق، قالي إنتي تريند، أنا كنت بصور وتعبانة ومش مركزة، وكنت متوقعة أن على تالت أو رابع يوم الناس تبدأ تتكلم، لكن أول يوم رمضان ألاقي مصر كلها بتتكلم على "أم صابرين" دي جديدة عليا".

نرشح لك: مي عمر ومحمد سامي ورضوى الشربيني وهنا الزاهد من بينهم … النجوم في سحور تامر حسني

أم صابرين مسلسل أشغال شقة

وأضافت إنتصار: "أنا جربت كتير جربت "ذات" ونجاحه وجربت مسلسل "راجل وست ستات" كان في رمضان بس كان بيبقى بعد أسبوع، لكن إني الناس تقولي في أول يوم رمضان إنتي نمبر وان، إنتوا لحقتوا تشوفوا أمتى، وبقى الناس تسألني إنتي مش طالعة تاني؟".

إنتصار من برنامج "نجوم رمضان أقربلك"

وأكملت: "الناس كانت مبسوطة من "أم صابرين" وزعلانين إنها مش هتطلع تاني، وقلتلهم نبقى نعمل مسلسل مفيهوش تبديل شغالات هي شغالة واحدة تكون ثابتة".

مسلسل "أشغال شقة" من بطولة هشام ماجد، أسماء جلال، شيرين، سلوى محمد علي، مصطفى غريب، وآخرين ومن تأليف خالد وشيرين دياب، وإخراج خالد دياب.

يعرض المسلسل عبر قناة mbc مصر الساعة 9 مساء.