بسنت شوقي: محمد فراج متطرف في موضوع الأهلي والزمالك وعمره ما يقبل أشجع غير فريقه

نهال ناصر

نهال ناصر تاريخ النشر: الجمعة، 8 مارس، 2024 | آخر تحديث:

بسنت شوقي ومحمد فراج

كشفت الفنانة بسنت شوقي عن رد فعل زوجها الفنان محمد فراج ووالدها لاعب النادي الأهلي السابق شوقي عبد الشافي، إذا ما فكرت في تشجيع نادي الزمالك.

وقالت بسنت شوقي خلال لقائها في برنامج "تفاعلكم 25 سؤالا": "بابا هيبقى متقبل أكتر للموضوع هيكون مستغربني لكن هيتقبل، محمد فراج مش هيتقبل خالص حاجة زي دي وهيكون في مشاكل، هو متطرف جدا في موضوع الأهلي والزمالك أكتر من بابا وعمي كابتن عبد العزيز عبد الشافي ومن أكتر الناس المتطرفين اللي شفتها في حياتي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

بسنت شوقي ومحمد فراج

وتابعت بسنت شوقي متحدثه عن كرة القدم: "أنا بحب الكرة جدا وبفهم فيها لأني من وأنا صغيرة بتفرج على الماتشات، لكن في أحداث معينة حصلت في الكرة المصرية بعد أحداث بورسعيد مبقتش أتفرج على الكرة المصرية، وبتابع الكرة العالمية أكثر".

نرشح لك: ملخص تصريحات بسنت شوقي في "تفاعلكم": عملت عملية تجميل واحدة ومش بشوف لبسي جريء ومحمد فراج عمرة ما يتقبل إني أشجع الزمالك

بسنت شوقي

وكشفت بسنت شوقي أن الفريق العالمي الذي تشجعه هو نادي برشلونة الإسباني.

وخلال اللقاء ردت بسنت شوقي عن انتقادات استخدامها للعديد من الكلمات الإنجليزية أثناء حديثها وقالت: "أنا متفهمة أن الناس ممكن تكون بتضايق إني بستخدم كلمات إنجليزي أكتر من العربي لكن دي البيئة اللي أنا اتربيت فيها، أنا في البيت عندي مع أهلي حتى لما بنتخانق بنتكلم بالإنجليزي، اتعودت على كده حاولت كتير وبشتغل على الموضوع لكن الناس بتتخيل إني بعمله منظرة لكن حقيقي صعب ومش شطارة مني ومش حاجة فخورة بيها، لكن في جمل بتيجي في مخي بالإنجيلزي وعشان أقعد أترجمها هاخد وقت كتير".

بسنت شوقي

يشار إلى أن بسنت شوقي تظهر في مسلسل "بابا جه" للفنان أكرم حسني الذي يشارك به في رمضان 2024.

مسلسل "بابا جه" مكون من 15 حلقة وهو من بطولة أكرم حسني، نسرين أمين، سماء إبراهيم، فريال يوسف، محمود البزاوي، محمد أوتاكا والطفلة لافينيا نادر وعدد آخر من الفنانين وضيوف الشرف والعمل من تأليف وائل حمدي وإخراج خالد مرعي وإنتاج شركة ميديا هب سعدي – جوهر.