ظهرت الإعلامية ريهام سعيد دون ماكياج تكشف تفاصيل ما حدث لها على يد طبيب التجميل اللبناني نادر صعب وتشوه وجهها.
وخلال حلقة أمس من برنامج "صبايا"، الذي يعرض عبر قناة "هي"، قالت ريهام سعيد " كل الناس لما كانت تشوفني كانت تقولي مالك خاسة ليه كدا... كنت بعيدة تماما عن الناس وكنت علشان أنزل محتاجة أحط 13 كيلو ماكياج وفي الاستوديو بنحط حاجة تدعم الوش وتخفي كل علامات الإجهاد ودي بفلوس كتير والقنوات بتأجرها لي".
وأضافت ريهام سعيد " ناس كتير أوي كانت عارفة إن حلمي التمثيل ومش الممثلة القديرة لكن كنت موجودة واشتغلت مع عمالقة وفي الدراما ميقدرش يمشي ورايا بفلتر ووقت ما حصلي كدا قولت خلاص ربنا مش عايزك تمثلي، ولو حد عاوزني في عمل هيقوله دي اتشوهت، كان في لحظات وحشة اوي".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
ولم تتمالك ريهام سعيد نفسها من البكاء وقالت ": آخر مرة روحت للدكتور عملي فيلر عشان في حفرة جامدة عندي، بس أنا هدوب الفلير وهتعرض على الطب الشرعي وهيلاقي الحفرة دي".
واستعرضت ريهام سعيد آثار عملية التجميل التي خضعت لها على يد الطبيب اللبناني وقالت "عندي حفرة كبيرة تحت عيني وعيني بترمش كل 5 ثواني ومش بعرف أتكلم أوي عشان بقي مشدود زيادة عن اللزوم، في ناس كتير بتقول تستاهل عشان بتغير خلقة ربنا".
وتابعت ريهام سعيد "أنا عملت عملية تجميل عشان بحارب السن بس النتيجة كانت صادمة، أنا مكنتش هقول إني اتشوهت، مش حلو إن جمهوري يعرف أني اتشوهت، كنت بطلة على الهوا لابسة نضارة فاضية عشان تداري الحفر اللي في وشي اللي بانت كأني واخدة بلشة في كل حتة فيه كأني كنت في خناقة".
واستكملت ريهام سعيد " شكلي مش أنا، في حتت بروحها بيقولولي اسمك إيه بقالي 10 شهور بلبس نضارات فاضية، ولو ملقتش نضارة في شنطتي بعيط ومنزلش من عربيتي.. هروح أرمي كل النضارات دي خلاص، مهو حمل وانزاح من هنا ورايح هتأقلم على شكلي الجديد والكل هيتأقلم بشكر كل واحد بيدمرني نفسيًا أكتر".
وأردفت: مكنتش قادرة أطلع هوا النهارده، بس طلعت احترامًا ليكم عشان قولتلكم هطلع لجمهوري عشان محدش يقلق عليا، الناس كانت متخيلة إني هطلع حاجات دا مش مكانه خالص أنا هرفع قضايا في مصر والعراق والإمارات وهتتضمن تشهير وسب وقذف وخروج عن المعايير الطبية".
واختتمت "طول ما أنا حية أرزق، هافضل باحثة عن حقي وهرجعه أنا ست لوحدي مليش حد خالص بس أنا هاخد حقي، كل ما بيتغلط في بيكون في ميزان حساناتي.. عمليات التجميل مش حاجة وحشة، وشنا رأس مالنا... بالبلدي أكل عيشنا بنعتمد عليه في كل حاجة، مينفعش ممثلة أو مذيعة مش حلوة أو باينة أنها كبيرة في السن، لأن انتم كمان مبترحموش، أنا مش هصلح اللي حصل في إلا لما اتعرض على الطب الشرعي، وأنا عندي ثقة رهيبة في القضاء وربنا".
من ناحية أخرى، نشرت ريهام سعيد مقطع فيديو صادم أثناء خضوعها للعملية الجراحية على يد طبيب التجميل اللبناني نادر صعب.
وتظهر ريهام سعيد في مقطع الفيديو الذي أرسله لها الطبيب اللبناني وأعادت نشره عبر حسابها على انستجرام، وهي بوجه مفتوح ويتحدث إليها الطبيب نادر صعب أثناء العملية وهو يزيل من وجهها بعض الدهون وعلقت ريهام سعيد على الفيديو "اما الدكتور يشوهك و يبقي مشغول بيطلع الموبايل و بيتكلم عشان يوريك انه كان بيشيل اي بتنجان، لما الدكتور مايراعيش مشاعر المريضه ويبعت لها فيديو ووشها مفتوح .. لما دكتور يخلي واحده تعيش حزينه و مقهوره علي خلقتها الي راحت، هل ده لي اي علاقه بالمعايير الطب او الرحمه يا عالم، ؟ يا رب فوضت امري اليك .. لا الله الا الله سبحانك اني كنت من الظالمين .. حسبي الله لا اللله الا هو عليه توكلت وهو رب العرش العظيم، يا رب يا رب يا رب حقي يرجع".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
من ناحية أخرى، كان طبيب التجميل اللبناني نادر صعب قد خرج عن صمته بعد الجدل الواسع الذي أثارته الإعلامية ريهام سعيد واتهمته بتشويه وجهها بعملية تجميل فاشلة.
وفي تسجيل صوتي لموقع ET بالعربي، عبر نادر صعب عن دهشته لاتهام ريهام سعيد له بالتسبب في تشوه وجهها مؤكدا أنها عندما اتت له كانت تعاني من آثار عمليات سابقة وتوعد بمقاضاتها قائلا "حضرت ريهام لعندي قبل 10 أشهر، لإجراء عملية شد للوجه والتخلص من مشاكل كانت تعاني منها نتيجة عمليات سابقة، وأجريت العملية لها وراضي عنها جداً بعد أن رأيت النتيجة خلال مقابلاتها الإعلامية بعد العملية.
وتابع نادر صعب: عملية ريهام من أجمل النتائج التي تحصل عليها أي سيدة بعد عملية شد للوجه، ما بعرف أين التشوهات التي تحكي عنها.
وواصل نادر صعب: طبيعي بعد أي عملية يكون عندنا تورم أو ندبات لكن كل هذا مؤقت، اليوم أنا عم بشوف نتيجة شد وجه من أجمل العمليات وطالعة مثل القمر .
واستكمل نادر صعب: أنا راح أقاضيها بالمحاكم وما راح أتهاون أو أتنازل عن حقي أبدا.
ووفقا لما ورد في ET بالعربي أكد نادر صعب أن ريهام سعيد اشتكت له أن أطباء شوهوا وجهها خلال الـ 3 أعوام السابقة قائلا "تكت لي أن أطباء تجميل شوهوا وجهها في الثلاثة أعوام الأخيرة، وصار عندها عين أكبر من عين، وهذا أثر على وجودها في أعمال فنية، وجعلها تبتعد عن الشاشة، كما كانت تقول لي، حيث تظهر وكأنها امرأة عجوز".
وتابع نادر صعب "أجريت العملية لريهام في شهر مارس الماضي، وعالجت لها أمور كثيرة، مثل مناطق دهنية في الوجه، وأزمة عيونها، وصارت أحلى بكثير من ذي قبل، وانتهى الأمر شأنها كشأن أي مريضة، ولم تشكُ من أي مشاكل طوال الشهور الماضية".
وأكد أنه فوجئ بالمنشور الذي خرجت به ريهام قائلاً: "يبدو أن استعمالها لمنتجات عناية بالبشرة غير صالحة، تسببت لها في مشاكل بوجهها، وفي النهاية تلقي اللوم على العملية الجراحية، رغم أنها أجرتها منذ 10 شهور، وظهرت بعدها على شاشات التليفزيون ولم يلاحظ الجمهور شيئًا غريبًا في وجهها".
وكانت الإعلامية ريهام سعيد قد كشفت تفاصيل ما حدث لها على يد طبيب التجميل اللبناني نادر صعب.
وفي مقطع فيديو حرصت من خلاله ريهام سعيد على الظهور دون فلتر أو ماكياج لتكشف تفاصيل ما حدث لها في عملية التجميل التي تتعالج على إثرها منذ 3 أشهر.
وقالت ريهام سعيد "أنا طلعت النهاردة من غير فلتر ولا ماكياج علشان أوريكوا العملية اللي الدكتور بيقول إنه راضي عن نتيجتها".
وأضافت ريهام سعيد " أصالة عملت تجميل وطالعة زي القمر وغيرها من الفنانات ومأعلنوش وعارفين أنهم هما بس أصغر، هل دا شكلي؟ هل الطبيب دا مغيرش هويتي أنا علشان أخرج من مطار بيروت احتجت وثيقة تثبت إن أنا اللي في الباسبور لأنه غير شكلي دي أكبر جريمة إنك تخليني أبص في المرايا معرفش نفسي".
وتابعت ريهام سعيد " الدكتور بعد ما العملية باظت عمل فيلر في وشي على الحفر التي ظهرت بعد العملية الفاشلة في وشي بعد ما بوظلي شكلي، وعملي خطوط زي الشيطان، وعمل لي خياطة تحت العين ودي جريمة، وحاجبي زي الشيطان عشان كده عملت تاتوه ومسحت الحاجب وعدلته، عندي صور كتير بعتهاله وأقوله الورم دا حرقتني، وعيني متشعلقة فوق وجعاني عايزاها تنزل كدا تعباني".
واختتمت ريهام سعيد " انتقادكوا لينا المستمر هو السبب اللي بيخلينا عايزين نظهر بأحسن صورة، بعد التجربة دي اتعلمت إن الواحد يرضى بشكله".
واستعرضت ريهام سعيد وجهها:" هل دا وش ممثلة لو فكرت امثل، أنا مشوهه، بقالي شهرين بتعالج وهسافر اتعالج، وهخضع لعملية نتيجة تليفات كثيرة في وجهي، الدكتور حرقني جوه العملية نتيجة عملية فاشلة، ومش بتكلم بقالي 11 شهر".
اقرأ أيضا:
تضامنا مع والدته المصابة بالسرطان... خالد سليم يحلق شعره على الهواء
بعد أنباء الارتباط بخطيبها... ميرهان حسين تعلق لأول مرة على صورتها مع شيرين عبد الوهاب
تعاني من مشاكل في المعدة والقولون... تطورات الحالة الصحية للإعلامية سهير جودة
#شرطة_الموضة: نانسي عجرم بفستان قصير لامع في حفلها بالدرعية ... سعره تخطى 90 ألف جنيه
لايفوتك: #شرطة_الموضة: أجمل إطلالات النجمات في Joy Awards ... وأسوأ الإطلالات
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5