منى الشاذلي: مفيش شخص في حياتي بكرهه واتعلمت من والدي الأخلاق

مروة لبيب

مروة لبيب تاريخ النشر: الأربعاء، 3 يناير، 2024 | آخر تحديث: الأربعاء، 3 يناير، 2024

منى الشاذلي

تحدثت الإعلامية منى الشاذلي عن طفولتها وعلاقتها بوالديها مشيرة إلى أنها تعلمت من والدها الأخلاق.

وخلال لقائه مع الإعلامي أنس بوخش في برنامج ABtalks، قالت منى الشاذلي "أنا بنت الطبقة المتوسطة المصرية، والداي كانوا من جيل الستينات العظيم، وعلمني والدي إن الجوهر أهم من المظهر، وأنا محبة لكل محيطي، غير كارهة لأي شيء سواء أكل أو شخص، ممكن أزعل من شخص وأحذفه من حياتي، وكلمة كراهية صعبة عليا، وأحب أن أكون منتجة وليس مدللة، ولم أتربى منذ صغري على الدلال، عشان لما تيجي النعمة أفرح بها ولما تزول أقدر أتخطاها.

أما عن علاقتها بوالدتها قالت منى الشاذلي": أنا كنت طفلة وديعة.. وفي العموم أنا إنسانة وديعة وقوية.. ولكن قوتي داخلية، مش بحب القوة اللي فيها صوت عالي وفرد عضلات.. وبشوف أقوى الناس هم الناس الهادية اللي قوتها داخلها، وحياتي كانت مع أسرة محبة وأم عطوفة جدًا".

منى الشاذلي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

منى الشاذلي

وخلال اللقاء، كشفت منى الشاذلي قصة تعارفها بزوجها الذي استمرت معه طوال 25 عاما.

وروت منى الشاذلي قصة تعارفهما وقالت " لما قررت اسافر إيطاليا علشان أشتغل قررت إني مقعش في الحب وأركز في شغلي ومستقبلي لكن وقعت في الحب وفي الأول لا كنت بطيقه ولا هو كان طايقني كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان ومعظم العلاقات اللي بتبدأ بخناق بتعيش لمدة طويلة".

وتابعت منى الشاذلي " أنا وهو دلوقتي تمينا 25 سنة مع بعض وأنا وجوزي متناقضين في كل حاجه وهو مش رومانسي.. هو حنون ورجل عائلة عظيم، لكنه راجل عملي، ومش بنزعل من الاختلاف بينا".

وأضافت منى الشاذلي " الولاد والبنات لازم يتربوا على تحمل المسئولية، والحب حاجة والحياة الزوجية حاجة، ولو اكتافك متتحملش المسئولية متتجوزش، لازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جواز عيال، فالحياة الزوجية محتاجة مجهود كبير".

تقدم الإعلامية منى الشاذلي برنامج "معكم منى الشاذلي" عبر قناة ON، وتستضيف من خلاله نجوم ومشاهير من كافة المجالات.