طالب الفنان محمد سلام جمهوره بوقف نشر صورة له وهو يحمل إحدى الفتيات، مؤكدا أنها ليست ابنته كما يتردد.
ونشر محمد سلام عبر خاصية Stories بتطبيق Instagram، صورة له وهو يحمل طفلة، وعلق كاتبا: "الصورة دي منتشرة في كل حتة على أساس إن البنوتة دي بنتي، فـ يا جماعة الخير البنوتة مش بنتي، والله العظيم دي بنوتة جميلة اسمها هادية جاتلي التصوير مخصوص مع باباها ومامتها من 4 سنين عشان تتصور معايا.
وأضاف محمد سلام: رجاء خاص بلاش تنشروا صورتها تاني؛ لأن أهلها بدأوا يتضايقوا من الموضوع ده، وأظن هما ليهم الحق كاملًا إنهم يحتفظوا بخصوصيتهم وخصوصية بنتهم وشكرًا.
ومنذ اندلاع الحرب في غزة ويتفاعل الفنان محمد سلام مع الأحداث عبر حسابه على Instagram.
كما رفض محمد سلام السفر مع فريق مسرحية "زواج اصطناعي" التي عرضت في موسم الرياض بداية نوفمبر الماضي، بسبب أحداث غزة.
وظهر محمد سلام في فيديو أعلن فيه اعتذاره عن عدم السفر إلى السعودية لتقديم المسرحية بسبب استمرار العدوان على غزة، وقال: "السلام عليكم ورحمة الله إنشالله المفروض أسافر الرياض عشان أعرض مسرحية زواج اصطناعي في موسم الرياض والمفروض إنها مسرحية كوميدية وفيها أغاني واستعراضات والمفروض إننا نعرض إنشالله يوم 30 أكتوبر".
وتابع محمد سلام:"هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية واهزر وارقص واخواتنا في فلسطين عمالين يتقتلوا ويدبحوا ومفيش حاجة بتحصلهم".
وأوضح:"أنا مش هقدر أسافر طبعا وليه بقول الكلام ده في آخر لحظة المفروض إني أسافر بكره إنشالله لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا ازاي أروح اعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص، فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده".
واختتم:"كان عندي الموسم يتأجل أو يتلغى، فأنا مش هقدر أشارك في المهرجان ده وحابب أقول إني كنت في مشكلة مش عارف أسافر ولا أعمل إيه؟ والتمثيل هو أكل عيشي، لكن لو مسافرتش هل هموت من الجوع؟ بالتأكيد لا".
اقرأ أيضا:
التذاكر تبدأ بـ 1250 جنيها ... آمال ماهر تحيي حفل رأس السنة في الشيخ زايد
السكر بينزل لكنه مازل في المستشفى ... تطورات حالة المخرج أحمد البدري الصحية
أحمد داود يكشف السبب الحقيقي لابتعاده عن "ولاد رزق 3"
مهرجان الجونة السينمائي يكشف عن جديده "جسر الجونة"
لا يفوتك: #شرطة_الموضة: أجمل وأسوأ إطلالات النجمات في ختام مهرجان البحر الأحمر الدولي 2023
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5